Батыс Қазақстанды су басу қаупі жоқ - ТЖМ

АСТАНА. ҚазАқпарат - БҚО бойынша жағдай тұрақты және су басу қаупі жоқ. Бұл туралы ҚазАқпарат ТЖМ сілтеме жасап хабарлайды.

Батыс Қазақстан облысы ТЖД ақпараты бойынша жедел штабтың шешіміне сәйкес соңғы 3 күнде қоңыраулардың болмауына байланысты «жедел желі» телефонының жұмысы тоқтатылды. Жедел штабтың жұмысы жалғасуда, тәулік бойы кезекші қызметтердің телефондары тұрақты жұмыс істейді. Су тасқыны кезеңінің басынан бастап «жедел желі» телефонына тұрғындардан 200-ден астам қоңырау түсті.