Батыс Қазақстанда «Жол картасына» сәйкес медицина кадрлары қайта оқытылуда

ОРАЛ. Қарашаның 11-і. ҚазАқпарат /Ғайсағали Ералы/ - Батыс Қазақстан облысында «Жол картасына» сәйкес медицина кадрлары қайта оқытылуда.

Облыстық денсаулық сақтау басқармасының бөлім бастығы Берік Хасайыновтың ҚазАқпарат тілшісіне хабарлағанындай, осы мақсатқа 12 миллионнан астам теңге бөлінген болатын. Барлығы 53 адам білімін көтеріп, қайта мамандық алуы тиіс болса, соның 10-ы - медбике, олар оқуларын бітіріп келіп, қызметке кірісіп кетті. Ал дәрігерлер Алматы, Ақтөбе, Астана қалаларындағы ЖОО-ларда білімдерін жетілдіруде.

Жалпы, өңірде 290 дәрігер жетіспесе, соның 110-ы аудандарға қажет.