17:45, 29 Қазан 2009 | GMT +6
Батыс Қазақстанда жол апаттарынан 59 адам қаза тапты
ОРАЛ. Қазанның 29-ы. ҚазАқпарат /Ғайсағали Ералы/ - Батыс Қазақстан облысында биылғы қазанның 29-на дейін 185 жол-көлік оқиғасы болып, соның салдарынан 59 адам көз жұмса, 177-сі түрлі жарақат алды.
БҚО жол полициясы басқармасынан ҚазАқпарат тілшісіне хабарлағанындай, биылғы тоғыз айда 163 жол апатынан 49 адам қаза тауып, 154-і жарақат алған еді. Осы оқиғалардың 102-сі Орал қаласының үлесіне тиеді. Сондай-ақ Теректі, Бөрлі аудандарында, Ақсай қаласында, Ақжайық пен Тайпақта жол апаттары жиі кездеседі. Мұндай қайғылы оқиғаларға жылдамдықты шектен тыс арттыру, қарсы бетке шығып кету, басқа да жол ережелерін бұзу себеп болып отыр.