Батыс Қазақстанда үйдің қабырғасына Жәңгір ханның бейнесі салынды

ОРАЛ. ҚазАқпарат – Бөкей ордасы ауданының орталығы Сайқын ауылында қос қабатты үйдің қабырғасына Жәңгір ханның бейнесі салынды, деп хабарлайды ҚазАқпарат тілшісі.

Ұқсас жаңалықтар

Елордалық шебер ерекше қуыршақтар жасайды

Рио-де-Жанейро коронавирусқа байланысты карнавалдан бас тартты Коронавирус жұқтырған Мейрамбек Бесбаев қазақстандықтарды сақ болуға шақырды Қостанай архивіне Татарстаннан құнды құжаттар әкелінді

Орталық көшедегі үйді қабырғасында Жәңгір ханмен бірге тоғай мен Хан ордасы музей-қорығының суреттері де көрініс тапты.

Муралдың авторлары – оралдық суретшілер Яков пен Дарья Полищук.

Аудан әкімі Нұрлан Рахымжановтың айтуынша, Бөкей хандығының құрылғанына 2021 жылы 220 жыл, Жәңгір хан мектебіне 180 жыл толмақшы.

Бөкей сұлтан қоластындағы халқымен бірге 1801 жылы Еділ-Жайық аралығына өтіп, хандықтың негізін қалап, 1815 жылға дейін басқарды. Оның ұлы Жәңгір хан Жасқұс құмына өз ордасын салдырып, қарауындағы елді отырықшы өмірге, еуропалық өркениетке үндеп, сол бағытта көптеген істер тындырды.

«Аудан орталығындағы Жәңгір хан бейнесі – осы мерейтойлар қарсаңындағы бастапқы жұмыстардың бірі», деді ҚазАқпарат тілшісіне Н.Рахымжанов.

Еске сала кетейік, бұдан бұрын Ақсайда тоғыз қабатты үйдің қабырғасында Абай бейнеленгенін жазған болатынбыз.