+7 (701) 759 90 19
USD 389.59 EUR 429.06
RUB 6.05 CNY 55.07
Jańalyqtar

Батыс Қазақстанда студент менингитке шалдықты

2019 жылғы 21 мамыр 17:51
Бөлісіңіз:
Батыс Қазақстанда студент менингитке шалдықты

ОРАЛ. ҚазАқпарат - Батыс Қазақстан облысында студент менингитпен ауырды, деп хабарлайды ҚазАқпарат тілшісі.

БҚО қоғамдық денсаулық сақтау департаментінен түскен мәліметке қарағанда, бұл - биылғы бірінші жағдай. 17 мамыр күні Зеленов ауданы Махамбет ауылының тұрғыны, Орал қаласындағы жоғары оқу орны студентінің менингококк жұқпасына шалдыққаны анықталды.

2015 жылы осындай 13 жағдай тіркеліп, оның екеуі өлімге апарып соқтырған болатын. Өткен жылы бұл ауру тіркелген жоқ.

Айта кетейік, менингококк инфекциясы - назофарингит (мұрын мен жұтқыншақтың қабынуы), менингит (ми қабықтарының қабынуы) және менингококк сепсисі (қанның зарарлануы) секілді түрлі клиникалық белгілері бар, бактериялар қоздыратын жіті жұқпалы ауру.

Белгілері: менингит тез басталады, күрт бас ауырып, адам құсады, 6-15 сағаттан кейін бөртпе пайда болады. Дене қызуы 39-40 °С-қа көтеріліп, науқас қалтырайды. Тері бозарып, адам әлсізденіп, арқа мен аяқ-қолында ауру сезіледі. Науқас шөлдеп, тәбеті төмендейді. Ауру тұмау, баспа, әдеттегі салқын тию аурулары секілді жеңіл түрде өтуі мүмкін. Адамның қорғаныш күштері әлсірегенде, менингококк миға өтіп, қабыну басталады.

Инфекция көзі - ауру адам және клиникалық белгілері болмағанмен, менингококк тасымалдаушылар да кездеседі. Аурудың алғашқы белгілері байқалған бойда бірден дәрігерге көріну қажет.

Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT