USD 434.24 EUR 492.69
RUB 5.67 CNY 68.46
Jańalyqtar

Батыс Қазақстанда соңғы айда 97 оқушы мен 19 мұғалімнен коронавирус анықталды

2021 жылғы 3 желтоқсан 13:02
Бөлісіңіз:
Батыс Қазақстанда соңғы айда 97 оқушы мен 19 мұғалімнен коронавирус анықталды

ОРАЛ. ҚазАқпарат – Батыс Қазақстан облысында 1 қарашадан бері 97 оқушы, 19 мұғалімнен коронавирус анықталды, деп хабарлайды ҚазАқпарат тілшісі.

Ұқсас жаңалықтар
Соңғы тәулікте қанша адам коронавирус инфекциясын жұқтырды Теңіз кен орнында 500 адам коронавирустан емделіп жатыр Атырауда мұнай өңдеушілердің 91 пайызы вакцина салдырды

БҚО санитарлық-эпидемиологиялық бақылау департаментінің басшысы Мұхамғали Арыспаевтың өңірлік коммуникациялар қызметі алаңында өткен брифингіде мәлім еткеніндей, 1 қарашадан бері барлығы 771 науқас тіркелді.

Соның 423-і (55 пайызы) ЖРВИ белгілері бойынша тексерілсе, 201-і (26 пайызы) профилактикалық мақсатта қаралған. 132-сі (17 пайызы) бұрын ауырғандармен байланыста болса, 15-інен (2 пайызы) стационарға жатқызар алдында сынама алынған.

Осы айдың алғашқы күндері 32 адамнан індет табылды.

Соңғы аптада (26 қараша – 2 желтоқсан) алдыңғымен (19-25 қараша) салыстырғанда, ауру жұқтыру көрсеткіші 15 пайызға (140-тан 119-ға) төмендеді.

М.Арыспаевтың айтуынша, облыс бойынша 381 мектепте 114 674 оқушы білім алуда. Солардың арасынан 1 қарашадан бері ауырған 97 шәкірттің бәрі де коронавирусты үй ошағында жұқтырған.

Казталов ауданында К.Меңдәлиев атындағы орта мектептің 6 және 10-сыныптары, Оралда №9 мектептің 9-сыныбы карантинге жабылды.

Білім ордалаларында 16 052 мұғалім жұмыс жасаса, солардың 13 420-сы вакцина алған. 1 қарашадан бері сырқаттанған 19 педагог отбасында бұрын ауырғандармен байланыста болған.

Сондай-ақ осы мерзімде орта кәсіптік білім беру колледждерінде 12, ЖОО-да 14 студенттен коронавирус табылды.

Осы кезге дейін 6136 студент вакцинаның бірінші, 5982-сі екінші компонентімен егілді.

«1 желтоқсаннан бері 6 оқушыдан, оған қоса арнаулы орта оқу орындарында білім алатын 1 студенттен індет табылды.

Мұғалімдер мен оқушылар, студенттер мен қызметкерлер арасында күн сайын мониторинг жүргізілуде. 1 қарашадан бері 72 адамның үй карантинін бұзғаны белгілі болды.

Соның 61-і – «қызыл», 11-і – «сары» мәртебесі бар адамдар.

Оларға қатысты 1 млн астам теңгеге 24 әкімшілік хаттама толтырылды», деді М.Арыспаев.

Еске сала кетейік, бұдан бұрын Батыс Қазақстанда 2 мыңнан астам адамның Pfizer вакцинасын қабылдағанын жазған болатынбыз.




Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT