Валюта бағамдары:
    usd/kzt 433.3 eur/kzt 464.19

    rub/kzt 6.48 cny/kzt 64.56
Ауа райы:
Нұр-Сұлтан: 1 °С
Алматы: 15 °С

Батыс Қазақстанда республикалық жолда қозғалысқа шектеу қойылды

2022 жылғы 18 қаңтар 14:52

ОРАЛ. ҚазАқпарат – Батыс Қазақстан облысында республикалық жолда қозғалысқа шектеу қойылды, деп хабарлайды ҚазАқпарат тілшісі.

«ҚазАвтоЖол» ЖШС мәліметі бойынша ауа райының нашарлауына байланысты республикалық маңызы бар Орал- Саратов жолы (72-104 км, Тасқала ауылынан РФ шекарасына дейін) жабылды.

Қатты боранға орай осы жол бөлігінде барлық көлік түрлері үшін қозғалыс шектелді.

Осыған байланысты БҚО ТЖ департаменті ескерту жариялап, тұрғындарға хабарлама жолдады.

Бұдан бұрын 18 қаңтарда облыстың батысында, солтүстік- батысында көктайғақ болып, желдің жылдамдығы секундына 15-20 метрге дейін жетуі мүмкін екендігі ескертілген болатын.

Еске сала кетейік, бұдан бұрын БҚО-да боранға байланысты республикалық жол жабылғанын жазған болатынбыз.


Автор:

Елжан Ералы

Новости по теме
Ұқсас жаңалықтар