Батыс Қазақстанда республикалық жол жабылды

ОРАЛ. ҚазАқпарат – Батыс Қазақстан облысында ауа райының нашарлауына байланысты республикалық жол жабылды, деп хабарлайды ҚазАқпарат тілшісі.

«ҚазАвтоЖол» ҰК» АҚ БҚО филиалының мәліметі бойынша жергілікті сағат 14.15-тен бастап боран мен желдің екпіні секундына 20 метрге дейін жетуіне байланысты республикалық маңызы бар Орал-Тасқала-РФ шекарасы (31-104 км) жолында барлық автокөлік түрлері үшін қозғалыс шектелді.

Бұл туралы БҚО ТЖ департаментінің баспасөз қызметі хабарлап, ескерту жарияланғанын жеткізді.