Батыс Қазақстанда күзгі аңшылық маусым басталмақ

ОРАЛ. Қыркүйектің 2-сі. ҚазАқпарат /Ғайсағали Ералы/ - Батыс Қазақстан облысында қыркүйектің 5-інде күзгі аңшылық маусым басталады,

деп хабарлайды ҚазАқпарат тілшісі.

Облыстық аумақтық орман және аңшылық шаруашылығы инспекциясының бас маманы Евгений Карповтың айтуынша, аң аулау арнайы аңшылық шаруашылықтарда рұқсат етіледі. Ал резервтік қордағы жерлерден аң аулауға тыйым салынады. Жеке тұлғалар аңшылық шаруашылықтардың берген рұқсатымен ғана шыға алады. Аңшылардан ең алдымен өрт қауіпсіздігін қатаң сақтау талап етіледі. Содан кейін атып алған аң-құсты сойғанда санитарлық-гигиеналық талаптарды да ұмытпау керек.

Аталмыш маусым қарашаның 30-ына дейін созылмақ.