+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Батыс Қазақстанда коронавирус жұқтырғандар саны соңғы аптада 22,09 пайызға төмендеді

2021 жылғы 27 қыркүйек 13:25
Бөлісіңіз:
Батыс Қазақстанда коронавирус жұқтырғандар саны соңғы аптада 22,09 пайызға төмендеді

ОРАЛ. ҚазАқпарат - Батыс Қазақстан облысында соңғы аптада (20-26 қыркүйек) 462 адамнан коронавирус анықталды, деп хабарлайды ҚазАқпарат тілшісі.

Ұқсас жаңалықтар
Атырауда облысында 99 бала мен 22 жүкті әйел коронавирустан емделуде Шымкент қаласында карантин мерзімі ұзартылды Қытай 3 жастан асқан балаларды коронавирусқа қарсы еге бастайды

БҚО санитарлық-эпидемиологиялық бақылау департаментінің баспасөз қызметінен түскен мәліметке қарағанда, бұл - алдыңғы аптадағыдан (13-19 қыркүйек - 593) 22,09 пайызға кем.

Облыс бойынша 1 қыркүйектен бері 2252 адамның індет жұқтырғаны белгілі болды.

Соның 1225-і немесе 54 пайызы ЖРВИ белгілері бойынша, 555-і (25 пайыз) профилактикалық мақсатта тексерілген. 456-сы (20 пайыз) бұрын ауырғандармен байланыста болса, 16-сынан (1 пайыз) стационарға жатқызар алдында сынама алынған.

Департамент мәліметі бойынша соңғы төрт күнде 269 адамнан коронавирус табылды. Мұның 124-і Орал қаласы, 62-сі Бәйтерек, 29-ы Бөрлі ауданының үлесіне тиеді.

Пандемия басталғаннан бері өңірде барлығы 37 255 науқас тіркеліп, соның 29 528-і жазылып шықты. 756-сы көз жұмды.

Еске сала кетейік, бұдан бұрын БҚО-да коронавируспен күрес шараларына 4,2 млрд теңге бөлінгенін жазған болатынбыз.



Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT