Батыс Қазақстанда «Қауіпсіз ауыл» байқауы өткізілмек
Департаменттің баспасөз қызметінің инспекторы Гүлшат Молдағалиеваның ҚазАқпарат тілшісіне хабарлағанындай, өңірдегі халықтың 56 пайыздан астамы ауылда тұрады. Ауылдық жердегі қылмыстардың 55-60 пайызы бөтеннің мүлкін ұрлау, соның ішінде 25-20 пайызы мал ұрлығы болып отыр. Аталмыш байқау мақсаты - құқықтық тәртіпті қажетті деңгейде сақтау, құқық қорғау органдарының жұмысына тұрғындардың сенімін арттыру. Байқау екі кезеңде жүзеге асырылмақ. Бірінші кезең әр ауданда алғашқы жартыжылдық бойынша қорытындыланады. Жыл қорытындысы облыс бойынша шығарылмақ. Байқау жеңімпаздары облыс басшылығы мен департамент тарапынан ынталандырылатын болады. Сондай-ақ аудандарда қоғамдық тәртіпті сақтауға белсенді қатысқан азаматтарды материалдық көтермелеу жолдары да қарастырылмақ.