Батыс Қазақстанда қатты жел тұрады

ОРАЛ. ҚазАқпарат - «Қазгидромет» РМК БҚО филиалының мәліметіне қарағанда, 17 сәуір күні өңірде жел күшейеді, деп хабарлайды ҚазАқпарат тілшісі.

Кей жерлерде солтүстік-батыстан соғатын желдің жылдамдығы секундына 15-20 метрге дейін жетуі ықтимал. Облыс орталығы Орал қаласында да дәл сондай ауа райы сақталып, желдің екпіні секундына 17 метрге жетпек. Осыған байланысты БҚО ТЖ департаменті ескерту жариялады.

«Тұрғындарға СМС хабарламалар жіберіліп, төтенше жағдайларды болдырмау бағытында басқа да шаралар алынуда», - деп хабарлады ҚазАқпарат тілшісіне БҚО ТЖ департаментінен.