19:33, 28 Мамыр 2021 | GMT +6
Батыс Қазақстанда автокөлік аударылып, жүргізуші мерт болды
ОРАЛ. ҚазАқпарат – Батыс Қазақстан облысында автокөлік аударылып, жүргізуші мерт болды, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткеніндей, 28 мамыр күні Чапаев-Сайқын жолының 105-шақырымында болды.
Сағат 17.00 шамасында 1974 жылғы жүргізуші «ВАЗ-2109» автокөлігінің аударылуына жол берді.
Жол апаты салдарынан жүргізуші оқиға орнында қаза тапты.
Қазіргі кезде полиция қызметкерлері мән-жайды анықтап жатыр.
Еске сала кетейік, бұдан бұрын Оралда автокөлік қағып кеткен ер адамның ауруханада көз жұмғанын жазған болатынбыз.