Батыс Қазақстанда автокөлік аударылып, екі адам көз жұмды

None
None
ОРАЛ. ҚазАқпарат – Батыс Қазақстан облысында автокөлік аударылып, екі адам мерт болды, деп хабарлайды ҚазАқпарат тілшісі.

БҚО полиция департаментінің баспасөз қызметі мәлім еткеніндей, оқиға 9 қыркүйек күні Бәйтерек ауданы аумағында болды.

Сағат 17.30-да республикалық маңызы бар Орал-Атырау жолының 35-шақырымында 40 жастағы жүргізуші басқарған «Mazda 3 « автокөлігі аударылып қалған.

Соның салдарынан жүргізуші және 34 жастағы жолаушы оқиға орнында қаза тапты. 30 жастағы тағы бір жолаушы аурухананың хирургия бөліміне жатқызылды.

Автокөлік арнайы тұраққа қойылып, Қылмыстық кодекстің 345-бабы 4-бөлігіне сәйкес сотқа дейінгі тергеу амалдары жүргізіліп жатыр.

БҚО полиция департаменті жүргізушілерге қырағы болып, жылдамдықты асырмау, жол ережесін бұзбау қажеттігін еске салады.

Еске сала кетейік, бұдан бұрын Орал қаласында ірі қойма өртеніп кеткенін жазған болатынбыз.




Соңғы жаңалықтар