USD 434.48 EUR 492.61
RUB 5.68 CNY 68.44
Jańalyqtar

Батыс Қазақстанда 620 адам ревакцинациядан өтті

2021 жылғы 30 қараша 19:33
Бөлісіңіз:
Батыс Қазақстанда 620 адам ревакцинациядан өтті

ОРАЛ. ҚазАқпарат – Батыс Қазақстан облысында 620 адам ревакцинациядан өтті, деп хабарлайды ҚазАқпарат тілшісі.

Ұқсас жаңалықтар
Түркістан облысында 66 мыңнан астам адам ревакцинациядан өтті Sputnik-V не себепті ревакциналауға қолданылмайды Қазақстанда Pfizer вакцинасымен қанша адам егілді

БҚО денсаулық сақтау басқармасының баспасөз қызметі мәлім еткеніндей, сондай-ақ 1668 адам Pfizer компаниясының Comirnaty вакцинасын алды.

Соның 948-і – жасөспірімдер, 59-ы – жүкті, 661-і – бала емізетін әйелдер.

Облыс бойынша барлығы 248 767 адам вакцинаның бірінші компонентін қабылдады, бұл – егілуге тиісті тұрғындардың 60 пайызы. Соның ішінде 178 130-ы «Спутник V» вакцинасын қолай көрді.

Сондай-ақ 230 317 адам (55,6 пайыз) екінші компонентті де алып үлгерді.

Басқарма мәліметіне қарағанда, өңірде пандемия басталғаннан бері 39 703, соның ішінде биыл 30 452 науқас тіркелді.

Жыл басынан бері сырқаттанған 2993 баланың 2968-і жазылып шықты. 25-і сауығу үстінде.

Оқу жылы басталған 1 қыркүйектен бері 875 оқушыдан індет анықталды. Қазіргі кезде Орал қаласындағы 1 мектепте 1 сынып карантинге жабылған.

Күні бүгін облыста 291 науқас амбулаторлық, 120 адам стационарлық ем алуда. Соның ішінде жансақтау бөлімінде жатқан 10 адамның 8-і ауыр, екеуі аса ауыр халде. Инвазивті жасанды тыныс алу аппаратына 2, инвазивті емес құрылғыға 4, оттегі концентраторына 4 науқас қосылған.

Жыл басынан бері 668, соңғы аптада 4 адам коронавирустан көз жұмды.

Еске сала кетейік, бұдан бұрын Батыс Қазақстанда коронавирус жұқтыру көрсеткішінің 27,4 пайызға төмендегенін жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT