USD 435.1 EUR 493.27
RUB 5.69 CNY 68.63
Jańalyqtar

Батыс Қазақстанда 2 мыңнан астам адам Pfizer вакцинасын қабылдады

2021 жылғы 2 желтоқсан 14:58
Бөлісіңіз:
Батыс Қазақстанда 2 мыңнан астам адам Pfizer вакцинасын қабылдады

ОРАЛ. ҚазАқпарат – Батыс Қазақстан облысында 2102 адам Pfizer вакцинасын қабылдады, деп хабарлайды ҚазАқпарат тілшісі.

Ұқсас жаңалықтар
ҚР Бас мемлекеттік санитарлық дәрігердің қаулысына карантин мерзімі бойынша өзгерістер енгізілді Қарағанды облысында шалғай ауылдарға мобильді дәріханалар қатынауда Дәріханаларда NaCl ерітіндісі тапшы: Алматы әкімдігі түсінік берді

БҚО денсаулық сақтау басқармасының баспасөз қызметі мәлім еткеніндей, соның 1203-і жасөспірімдер болса, 73-і – жүкті, 826-сы – бала емізетін әйелдер.

Сондай-ақ 895 адам ревакцинациядан өтті.

Облыс бойынша осы кезге дейін 249 472 адам (егілуге тиісті тұрғындардың 60,2 пайызы) вакцинаның бірінші, 231 592-сі (55,9 пайыз) екінші компонентімен егілді.

Орал қаласында егілуге тиісті 224 092 тұрғын болса, соның 126 971-і бірінші компонентті қабылдады.

Қазіргі кезде қоймаларда 90 115 доза І, 108 148 доза ІІ компонент бар.

Басқармадан түскен мәліметке қарағанда, соңғы аптада алдыңғымен салыстырғанда, коронавирус жұқтыру көрсеткіші 24,2 пайызға (39 науқасқа) азайды.

Күні бүгін коронавирус жұқтырған 297 пациент амбулаторлық ем алуда.

Ал 796 төсектік 16 инфекциялық стационарда 119 науқас жатыр. Соның 110-ы Орал қаласындағы ауруханаларда.

Жансақтау бөлімшелеріндегі 13 адамның 11-і ауыр, екеуі аса ауыр халде. Инвазивті жасанды тыныс алу аппаратына 2, инвазивті емес құрылғыға 7, оттегі концентраторына 4 адам

қосылған.

Жыл басынан бері коронавирустан 668 адам қайтыс болса, соңғы аптада 4 науқас көз жұмды.

Еске сала кетейік, бұдан бұрын Батыс Қазақстанда 620 адамның ревакцинациядан өткенін жазған болатынбыз.



Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT