21:05, 12 Қаңтар 2022 | GMT +6
Батыс Қазақстан және Павлодар облыстарында төтенше жағдай алынып тасталды
НҰР-СҰЛТАН. ҚазАқпарат - Қазақстанның екі өңірінде төтенше жағдайдың күші жойылды, деп хабарлайды ҚазАқпарат Ақорданың баспасөз қызметіне сілтеме жасап.
«Павлодар облысында төтенше жағдайды енгізу туралы» Қазақстан Республикасы Президентінің 2022 жылғы 5 қаңтардағы №744 Жарлығымен енгізілген Павлодар облысының шекараларындағы төтенше жағдайдың және Батыс Қазақстан облысында төтенше жағдайды енгізу туралы» Қазақстан Республикасы Президентінің 2022 жылғы 5 қаңтардағы № 740 Жарлығымен енгізілген Батыс Қазақстан облысының шекараларындағы төтенше жағдайдың күші 2022 жылғы 13 қаңтар 07 сағат 00 минуттан бастап жойылсын» делінген жарлықта.
Осы жарлық қол қойылған күнінен бастап қолданысқа енгізіледі.