ФУТБОЛДАН ӘЛЕМ ЧЕМПИОНАТЫ-2022

Батыс Қазақстан облысында 71 қой ұрлаған күдіктілер ұсталды

2022 жылғы 5 қазан, 20:20
Батыс Қазақстан облысында 71 қой ұрлаған күдіктілер ұсталды

ОРАЛ. ҚазАқпарат – Батыс Қазақстан облысында 71 қой ұрлаған күдіктілер ұсталды, деп хабарлайды ҚазАқпарат тілшісі.

БҚО полиция департаментінің баспасөз қызметінен мәлім еткеніндей, 4 қазан күні жедел іздестіру іс-шаралары барысында Орал қаласында 1992 жылғы екі тұрғын қолға түсті.

«Күдіктілерді ұстау кезінде «ГАЗель» автокөлігі тәркіленді. Айыпталушылар осы көлікпен ұрлық жасаған. Жүргізілген тергеу амалдары нәтижесінде шопан қыстағында жымқырылған мал саны анықталып, толық тәркіленді. Екі күдікті ҚР Қылмыстық іс жүргізу кодексінің 128-бабы тәртібімен Орал қаласы полиция басқармасының уақытша ұстау изоляторына қамалды. Қазіргі уақытта облыс аумағында жасалған қылмысқа қатысты дәлелдемелік базаны жинау және олардың ашылмаған мал ұрлығы деректеріне қатыстылығын тексеру жұмыстары жүргізіліп жатыр», - деп хабарлады ведомстводан.

Еске сала кетейік, бұдан бұрын Орал қаласында төбелеске қатысқан ресейліктердің елден шығарылғанын жазған болатынбыз.


Ұқсас жаңалықтар
Серіктестер жаңалықтары

Jańalyqtar