Батыс Қазақстан облыстық қазақ театрының жаңа маусымы «Махамбет» қойылымымен ашылмақ

ОРАЛ. Қыркүйектің 3-і. ҚазАқпарат /Ғайсағали Ералы/ - Батыс Қазақстан облыстық қазақ драма театрының жаңа 17-маусымы қыркүйектің 11-12-сінде Иран-Ғайыптың «Махамбет» трагедиясымен ашылмақшы,

деп хабарлайды ҚазАқпарат тілшісі.

Театр директоры Құжырғали Төлеуішевтің айтуынша, енді батысқазақстандықтар жыл сайын осындай үрдіс қалыптастырмақ. Осы мақсатқа «Махамбеттен» басқа Хамит Ерғалиевтің «Құрманғазы», Рахымжан Отарбаевтың «Сырымы» таңдап алынды. Бұл үш туындыны да сахналаған - белгілі режиссер Мұрат Ахманов. Ақ Жайықты мекендеп, тарихта өшпес ізі қалған Махамбет, Сырым мен Құрманғазы театр төлқұжаты болмақ.

Махамбет ролінде бұрынғыша Қуаныш Амандықов ойнаса, Исатайды Ербол Есендосов сомдайды.

Сонымен қатар театрда жаңа спектакльдер де әзірленуде. Сондай-ақ қыркүйектің 20-сынан бастап балалар үшін аптасына төрт рет ертегі қойылатын болады.