Қолданушы баптаулары
Қолданушы баптаулары
+7 (701) 759 90 19 Лента
USD 364.95 EUR 416.99
RUB 5.55 CNY 52.58
Jańalyqtar

Батырхан Шүкенов атындағы шәкіртақы тағайындалды

2018 жылғы 10 қыркүйек 20:54 522
Бөлісіңіз:
Батырхан Шүкенов атындағы шәкіртақы тағайындалды

АЛМАТЫ.ҚазАқпарат - Құрманғазы атындағы Қазақ ұлттық консерваториясында  Батырхан Шүкенов атындағы шәкіртақы үшін қойылатын талаптар жарияланды, деп хабарлайды  ҚазАқпарат тілшісі.

Ұқсас жаңалықтар
Данэлия Төлешова Минскіге келді Димаш Құдайберген Ресейдің жаңажылдық телефестиваліне шақырту алды

Құрманғазы атындағы Қазақ ұлттық консерваториясы үрмелі және ұрмалы аспаптар кафедрасының студенттері арасынан асқан таланттарды іздейді. Олар Батырхан Шүкенов атындағы шәкіртақыға ие болады. 

«Біз үрмелі аспаптарда ойнайтын жас музыканттарға қолдау көрсеткіміз келеді. Себебі Батыр саксафонның классикалық орындаушысы болып еді. Музыкалық аспаптың бұл  түрін насихаттауда студенттерге материалдық тұрғыдан көмектесуге дайынбыз. Болашақта түрлі байқаулар мен фестивальдерге барамыз десе жол пұлын да береміз.  Біздің басты мақсат -  талантты орындаушыларды табу. Музыкалық аспаптардың сирек түрінде ойнайтындар сахнадан көріне бермейді. Сондықтан олар келешекте Қазақстандық орындаушылық өнерге  өз үлестерін қосса дейміз», - деді белгілі артистің ағасы әрі Б.Шүкенов атындағы қор кеңесінің төрағасы.

Жобаға қаржылық қолдау көрсеткен Болат Өтемұратов қоры.  2018-19 оқу жылы бойынша әрбір студентке 500 000 теңгеден  5 шәкіртақы бөлінген. Шәкіртақыға  консерваторияның үрмелі ағаш аспаптары  мен жез музыкалық аспаптары факультетінің студенттері (бакалавр студенттері, магистрлер, докторанттар) үміткер бола алады.   

Шәкіртақы алушыларды іріктеу үш кезең бойынша жүргізіледі. Бірінші кезең -   өтініштерді қабылдау 23 қыркүйекке дейін жалғасады. Оларды өңдеу, яғни екінші кезең 28 қыркүйекке дейін; үшінші кезең - шешім 2 қазанда жарияланады.

Жұмыс бейнежазба түрінде  Youtube, Vimeo желілеріне жүктелген соң, байқауға сілтеме арқылы жолданады. Бейнежазба уақыты  5 минуттан аспауы керек. Жазба өтініш түсірген күнге дейін 1 жыл ішіндегі шығарма болуы тиіс.

Шәкіртақы иелері тәуелсіз қазылар алқасы шешімімен жарияланады. Нәтижені консерватория сайтынан қазан айында білуге болаы.

Болат Өтемұратов  атындағы қор бұдан өзге тағы бірқатар жобаға қолдау білдірмек.  Алдағы күндерге әншінің қаза тіліндегі шығармаларының ноталық таныстырылымы мен үрмелі ағаш аспаптар конкурсы, сондай-ақ Батырхан Шүкеновтың жеке албомдарының CD/DVD баспасының шығарылымдары жоспарланған.

 

 

Біздің каналымызға жазылыңыз:

Басты сөздер: Мәдениет, Алматы,
Бөлісіңіз:

Автор:

Арайлым Жолдасбай

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT