01:26, 20 Маусым 2018 | GMT +6
Батумиде қазақ күресінен Еуропа чемпионаты өтеді
АСТАНА. ҚазАқпарат - 23 маусым күні Батуми қаласында қазақ күресінен Еуропа чемпионаты өтеді. Оған әлемнің 21 елінен 80 спортшы қатысатыны күтілуде, деп хабарлайды ҚазАқпарат.
«Qazaq Kuresi - 2018» турниріне 21 мемлекеттің, атап айтқанда, Латвия, Ресей, Польша, Армения, Албания, Түркия, Норвегия, Израиль, Әзербайжан, Сербия, Молдова, Кипр, Эстония, Беларусь, сондай-ақ чемпионатқа алғаш келетін өзге бірнеше елдің балуандары қатысады.
«Қазақ күресінен Еуропа чемпионатына Франция, Ирландия, Норвегия, Израиль, Украина, Эстония сынды елдер алғаш рет қатысады. Барлық спортшылар жақсы дайындықпен келе жатыр», - деп атап өтті Қазақ күресінен халықаралық федерация басшысының кеңесшісі Ұлан Рысқұл.
Балуандарға 16 төреші қазылық ететін болады, олардың алтауы - қазақстандық, 10 - Украина, Ресей, Грузия, Латвия, Тәжікстан, Израиль, Польша елдерінен.