+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Басы дауға қалған Алматы облысының бас санитарлық дәрігері халықтан кешірім сұрады

2020 жылғы 13 тамыз 23:21
Бөлісіңіз:
Басы дауға қалған Алматы облысының бас санитарлық дәрігері халықтан кешірім сұрады

ТАЛДЫҚОРҒАН. ҚазАқпарат - Алматы облысына жаңадан тағайындала салысымен басы дауға қалған бас санитарлық дәрігер не себепті халықпен дөрекі сөйлескенін түсіндірді, деп хабарлайды ҚазАқпарат тілшісі.

Ұқсас жаңалықтар
3,3 мыңнан астам медицина қызметкері МӘСҚ-тан төлем алды Қазақстанда тәулігіне 900 мың медициналық маска өндірілуде Коронавирусқа қарсы вакцина салынатын тәуекел тобындағы адамдар айқындалды

«Ол жерде шын мәнісінде қарапайым тілмен түсіндіргім келді. Соны басқа жағынан бұрмалап жіберген екен. Егер шын мәнісінде сырттай солай көрініп тұрған болатын болса, мен халқымнан, елімнен кешірім сұраймын. Мойнымен айтқан, істегенді мойныңмен көтеру керек. Бірақ бұл жерде шын мәнісінде балағаттайтындай, біреудің ар-намысына тиетіндей әңгіме болған жоқ».

Халықтың сынына қалған Ерғали Сыдыманов Алматы облысының санитарлық-эпидемиологиялық басқармасын 2005 жылдан 2019 жылға дейін, яғни тура 14 жыл басқарған. Ал былтыр Маңғыстау облысына дәл осы қызмет бойынша ауысып, ол жақта бір жыл басшылық лауазымда болып, кеше ғана Алматы облысына қайта келген. Маңғыстау облысында ол тіпті «Үздік мемлекеттік қызметші» төсбелгісімен де марапатталыпты. Кәсіпкерлерге «басымды қатырмашы» деген Бас санитар дәрігердің тағдыры қалай болатынына енді тиісті органдар бас қатыратын болады.

Естеріңізге сала кетейік, Алматы облысына жаңадан тағайындалған Бас санитарлық дәрігердің кәсіпкерлермен сөйлескен видеосы желіге тарап, халықтың ашуын тудырды. Денсаулық сақтау министрлігінің ресми өкілі Бағдат Қожахметов Ерғали Сыдымановтың халықпен сөйлесу әдебі бойынша тексеру басталғанын мәлімдеді.

Сондай-ақ, кәсіпкерлерге «басымды қатырмаңдар» деген мемлекеттің қызметшісінің үстінен тәртіптік іс қозғалғанын бұған дейін де хабарлаған болатынбыз.


Біздің каналымызға жазылыңыз:

Бөлісіңіз:

Автор:

Самал Қабышева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT