+7 (701) 759 90 19 Лента
USD 386.70 EUR 427.15
RUB 6.06 CNY 54.57
Jańalyqtar

Басқа өңірге тіркеліп, АӘК-ті бірнеше жерден алып отырғандар болды  – Абаев

2019 жылғы 12 қыркүйек 22:11
Бөлісіңіз:
Басқа өңірге тіркеліп, АӘК-ті бірнеше жерден алып отырғандар болды  – Абаев

НҰР-СҰЛТАН. ҚазАқпарат – Атаулы әлеуметтік көмек алып отырған кейбір отбасылардың коттеджері мен қымбат көліктері болған. Табысын жасырған отбасылар туралы «Хабар» арнасындағы «Ашық диалог» бағдарламасында Ақпарат және қоғамдық даму министрі Дәурен Абаев айтып берді, деп хабарлайды ҚазАқпарат тілшісі.

Ұқсас жаңалықтар

«Көптеген отбасы үшін атаулы әлеуметтік көмек – өмірлік өте қиын жағдайлардан шығар жол болды. Әйтсе де, кейбір адамдардың заң мен ережелерді аттап өтіп, жағдайды пайдаланғысы келетіні өкінішті. Ондай адамдар мемлекетті ғана емес, өз-өздерін де, басқа азаматтарды, көршілерін, достары мен туыстарын алдап жатыр. Себебі, бұл ақшаға шынында да, қажетті нысандарды салуға болар еді. Атаулы әлеуметтік көмек алушы 21 мың отбасы өздерінің шынайы табысын жасырған. Әу баста кейбіреулері әдейі табысын жасырып, айырылысып жатса, қазір басқа өңірге тіркеліп, бірнеше жерден алу үрдісі байқалуда. Мұндай фактілерді анықтауда Еңбек және халықты әлеуметтік қорғау министрлігі әкімдіктермен бірге орасан еңбекті атқарып келеді», - деді Дәурен Абаев.

Министрдің айтуынша, мамандар үйді аралау кезінде өте жақсы тұратын азаматтардың АӘК алып отырғанын анықтаған.

«Коттедждері мен қымбат көліктері бар болған. Осы сөзге дәлел бола алатындай видеолар мен фотосуреттерді Еңбек және халықты әлеуметтік қорғау министрлігі бізге жолдады», - деді ол.

Еске сала кетсек, ҚР Еңбек және халықты әлеуметтік қорғау министрлігі бұған дейін АӘК алушы 21 мыңнан астам отбасы нақты табысын жасырғанын хабарлаған болатын.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT