Қолданушы баптаулары
Қолданушы баптаулары
+7 (701) 759 90 19 Лента
USD 375.90 EUR 426.65
RUB 5.82 CNY 55.99
Jańalyqtar

Бас жүлде - 5 млн теңге: Астанада халықаралық ақындар айтысы өтеді

2018 жылғы 8 қазан 15:34 355
Бөлісіңіз:
Бас жүлде - 5 млн теңге: Астанада халықаралық ақындар айтысы өтеді

АСТАНА. ҚазАқпарат - 20-21 қазан аралығында елордада «Қазақстан» концерт залында ақындар айтысы өтеді, деп хабарлайды ҚазАқпарат тілшісі.

Ұқсас жаңалықтар
Атырауда өткен халықаралық айтыстың жеңімпаздары белгілі болды Оралда республикалық ақындар айтысының жеңімпаздары анықталды

Ақындар айтысы туралы айтылған Астанадағы баспасөз мәслихатына бүгін ҚР Мәдениет және спорт министрі Арыстанбек Мұхамедиұлы, Қазақстан Жазушылар одағының төрағасы Ұлықбек Есдәулет, Қазақстанның халық ақыны Әсия Беркенова және Қазақстанның еңбек сіңірген қайраткері Жүрсін Ерман мен «Алтын домбыра» сыйлығының екі мәрте иегері Мұхтар Ниязов қатысты.

«Елорда өлең-жырға бөленер елеулі оқиғаның алдында тұрмыз. Себебі, Астананың 20 жылдығы аясында өтетін халықаралық ақындар айтысына Моңғолия, Қырғыз Республикасы мен Қытай Халық Республикасынан ақындар келеді. Бірнеше жыл бұрын Жүрсін Ерман ағамыз мұндай ауқымдағы айтысты өткізген болатын. Бұл жолғысы да кең ауқымды айтыс болайын деп тұр», - деді Арыстанбек Мұхамедиұлы.

Халықаралық ақындар айтысы Астананың 20 жылдығына арналып отыр. Айтысқа Минатхан Ұларбек, Жәмиға Дәулетқызы (ҚХР), Айдос Рашат, Аманжол Қуантқан (Моңғолия), Асылбек Маратов, Усупбек Уулу Мундузбек (Қырғыз Республикасы) пен Қазақстаннан Ринат Заитов, Еркебұлан Қайназаров, Серік Қойшығұлов, Біржан Байтуов, Мұхтар Ниязов қатысады.

Айтысқа Мемлекеттік сыйлықтың лауреаты Ұлықбек Есдәулет (әділ қазылар алқасының төрағасы), профессор Дихан Қамзабекұлы, тарих ғылымының докторы, Түркияның Мимар Синан көркем өнер университетінің профессоры Әбдіуақап Қара, ақын, жазушы Шынай Рахметұлы (Моңғолия), айтыс ақыны Әсия Беркенова төрелік етеді. Жыр додасында бас жүлде иегеріне 5 млн теңге табысталса, бірінші орынға 2,5 млн теңге, екінші орын 2 млн теңге, үшінші орынға (2 адам) миллион теңгеден беріледі.

 

 

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
MURAǴAT