+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Бас репродуктолог жүктілік алдындағы вакциналауға қатысты кеңес берді

2021 жылғы 14 мамыр 19:06
Бөлісіңіз:
Бас репродуктолог жүктілік алдындағы вакциналауға қатысты кеңес берді

НҰР-СҰЛТАН. ҚазАқпарат – Қазақстан репродуктивті медицина қауымдастығының президенті, Қазақстанның бас репродуктологы Вячаслав Локшин жүкті әйелдерге коронавирустың әсері туралы айтты, деп хабарлайды ҚазАқпарат тілшісі.

«Жүкті әйелдер COVID-19 індетін қиын еңсереді. Сондықтан оның бір ғана баламасы бар, яғни жүкті болғанға дейін вакциналанған жөн. Қарсы көрсетілімдер болмаса, экстракорпоралды ұрықтандыру (ЭКҰ) бағдарламасына дайындалып жүрген пациенттерге вакцинаның екі дозасын алуға кеңес береміз. Екінші екпеден кейін бір айдан соң олар ЭКҰ бағдарламасына қатыса алады. Сонымен қатар, жүктілікті жоспарлап жүрген ерлі-зайыптыларға да осындай кеңес береміз», - деді Вячаслав Локшин Орталық коммуникациялар қызметінде.

Оның айтуынша, егер әйел адам жүкті екенін білмей вакцина салдырса, онда жүктілікті тоқтату бойынша әрекетке бармау керек.

«Тиісті скринингтер бар және соның барасында барлығын көруге болады. Тәжірибе көрсеткендей, жеңіл симптомды формада коронавируспен ауырған әйелдердің жағдайы жақсы болады, нәресте індет жұқтырмай дүниеге келеді. Сондықтан ЭКҰ бағдарламасына, жүктілікке дайындалып жүргендерді вакциналаудың толық курсынан өтуге шақырамын», - деді В. Локшин.

Бұдан бұрын хабарланғандай, баспасөз мәслихатында вакцинаның бірінші компонентінің орнына екінші компонентін салудың кері салдары болмайтыны айтылды.



Біздің каналымызға жазылыңыз:

Бөлісіңіз:

Автор:

Руслан Ғаббасов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT