+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Бас прокуратура 21 қыркүйекте болатын шеруге қатысты халыққа үндеу тастады

2019 жылғы 19 қыркүйек 17:09
Бөлісіңіз:
Бас прокуратура 21 қыркүйекте болатын шеруге қатысты халыққа үндеу тастады

НҰР-СҰЛТАН. ҚазАқпарат - ҚР Бас прокуратурасының қоғамдық мүдделерді қорғау қызметінің бастығы Сапарбек Нұрпейісов 21 қыркүйекте өтуі мүмкін митингке қатысты пікір білдірді, деп хабарлайды ҚазАқпарат тілшісі.

Ұқсас жаңалықтар
Митингіге баламен барғандарға жауапкершілік күшейтілмек Аружан Саин балаларды митингке алып шықпауды сұрады Алматыда бейбіт митинг өткізетін екі орын белгіленеді

«Митингтерге қатысты Бас прокуратура бірнеше рет түсіндіріп өтті. Бірақ мен рұқсат берілмеген жағдайда қандай жауапкершілік жүктелетінін тағы бір еске салғым келеді. Біздің азаматтардың барлығы біледі, митингке шығудың өз процедурасы бар. Межеленген датадан 10 күн бұрын рұқсат алу керек. Егер осы тәртіппен рұқсат алынған болса, оны ұйымдастырушылар ешқандай жауапқа тартылмайды. Ал рұқсатсыз шықса, 15 күнге қамау жазасына дейін қарастырылған. Митингті ұйымдастырушылар азаматтардың құқығына, ұйымдар мен мемлекеттің мүддесіне зиян келтірсе, қылмыстық жауапкершілікке тартылады. ҚР ҚК 400-бабы бойынша 50 тәулікке дейін қамау да бар. Сондықтан азаматтарға қаратып айтқым келеді - көшеге шықпас бұрын рұқсат алу керек», - деген Бас прокуратура өкілі 21 қыркүйекке жоспарланған митингке қатысу неліктен заңсыз екенін түсіндірді.

«Қазір өздерін «ДВК» деп атайтын ұйым жақтастары 21 қыркүйекте көшеге шығуға үндеп жүр. Оған Қазақстан аумағында экстремистік ұйым ретінде тыйым салынған. Естеріңізге салғым келеді, 2005 жылдан бері прокурорлардың өтініші бойынша сот 8 ұйымды экстремистік деп таныған. Олар: «Хизбут тахрир әл ислами», «Таблиғи жамағат», «Сенім. Білім. Өмір», «Алға»Халық партиясы», «Халық майданы-Народный вронт», «Ат-Такфир Уа-аль Хиджа» және «Йакын Инкар» және «ДВК». Бұл аталған ұйымдар экстремистік деп танылғандықтан, олардың қызметіне қатысу заңмен қудаланады. Біздің азаматтарға тағы да түсіндіргім келеді - экстремистік ұйымның қызметіне кез келген формада қатысу заңсыз», - деген Сапарбек Нұрпейісов аталмыш ұйымдардың үндеулерін әлеуметтік желі арқылы бөлісудің қандай жазаға апарып соқтыратынын айтты.

«Бұл жерде тікелей қатысу міндетті емес. Біреу жасырын қатысып, көлікпен қамтамасыз етуі мүмкін. Біреу «ДВК» жақтаушылары мен қатысушыларды жүйелі түрде жасырып келуі мүмкін. Біреу қаржыландырып, түрлі үнпарақтар таратуы мүмкін. Әлеуметтік желіде пост пен комментарий таратып, бөлісу де - экстремистік ұйымның жұмысына физикалық, ақпараттық, қаржылай көмектесу деп қаралады. Ал бұған заңмен тыйым салынған. Біз ылғи ескертіп келеміз. Тағы да азаматтарымызға қылмыстық қудалау шеңберінде қалмас үшін заң талаптарын сақтау керектігін ескертеміз» - деді ол.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT