USD 434.84 EUR 498.2
RUB 5.72 CNY 68.47
Jańalyqtar

Бас мемлекеттік санитарлық дәрігер Түркістанға жұмыс сапарымен барды

2021 жылғы 28 қараша 04:48
Бөлісіңіз:
Бас мемлекеттік санитарлық дәрігер Түркістанға жұмыс сапарымен барды

ТҮРКІСТАН. ҚазАқпарат - Түркістанға жұмыс сапары барысында Бас мемлекеттік санитарлық дәрігер - Денсаулық сақтау вице-министрі Ерлан Қиясов өңірдегі эпидемиологиялық жағдаймен танысты, деп хабарлайды ҚазАқпарат ДСМ сілтеме жасап.

ҚР Денсаулық сақтау Вице-министрі министрлермен кездесу барысында Түркістан облысы эпидемиологиялық бағалау матрицасы бойынша ұзақ уақыт «жасыл» аймақта тұрған республикадағы жалғыз өңір болып табылатынын атап өтті.

Сонымен қатар вице-министр облыстың бас мемлекеттік санитарлық дәрігері Нұрбек Нышановпен бірге қалалық және аудандық санитарлық-эпидемиологиялық бақылау басқармаларына барып, жүргізіліп жатқан жұмыстардың барысымен танысты.
ҚР Денсаулық сақтау вице-министрі ҚР ДСМ СЭБК Ұлттық сараптама орталығының Түркістан қалалық бөлімшесінде болды. Мұнда ол бактериологиялық және санитарлық-гигиеналық зертханалардың бөлмелерін тексерді.


Сараптамалық бөлімше 2020 жылы ҚР Денсаулық сақтау министрлігінің қолдауымен жылжымалы зертханалық кешенге қол жеткізді. Жаңа технологиялармен жабдықталған кешен Ресей Федерациясында да бар. Қазіргі уақытта кешенде ПТР сынамаларын зерттеу қызметі жұмыс істейді.

Түркістанда 12 жастан асқан жасөспірімдер мен жүкті және бала емізетін әйелдер арасында COVID-19-ға қарсы «Pfizer» препаратымен вакцинация жалғасуда.
Мекемелерде алдын алу жұмыстарын жүргізу үшін барлық жағдай жасалған. Медициналық мамандар арнайы оқудан өтті.
«Pfizer» вакцинациясы ерікті түрде жүргізіледі, оның ішінде ата-анасының немесе заңды өкілінің келісімімен ғана егілетін жасөспірімдер де бар.

Қазіргі уақытта аймақ бойынша «Pfizer» препаратын қабылдағандардың саны – 14097 адам. Оның 11162 - і жасөспірім, 1921 - і жүкті және 1014-і бала емізетін әйелдер. Вакцинациядан кейін пациенттер дәрігерлердің бақылауында болады.
Айта кетейік, Түркістан облысына 46800 дана «Pfizer» препаратының жаңа партиясы жеткізілді.


Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT