14:58, 15 Ақпан 2020 | GMT +6
«Барыс» - «Сочи»: ҚХЛ матчы қашан және қай жерде көрсетіледі
НҰР-СҰЛТАН. ҚазАқпарат – Құрлықтық хоккей лигасында елордалық «Барыс» «Сочи» командасымен кездеседі, деп хабарлайды ҚазАқпарат Sports.kz сайтында сілтеме жасап.
Ойын бүгін 15 ақпанда 12 000 көрерменді сыйғызатын елордадағы «Барыс Арена» стадионында өтеді және Нұр-Сұлтан уақытымен сағат 17: 00-де Qazsport телеарнасында тікелей эфирде көрсетіледі.
Бұл маусымда командалар өзара кездескен. Онда қазақстандық клуб ойыншылары Сочиде 4: 1 есебімен жеңіске жеткен еді.
Айта кетейік, қазіргі уақытта «Барыс» Шығыс конференциясында 77 ұпаймен үшінші, Сочи клубы 66 ұпаймен Батыста тоғызыншы орында тұр.