«Барыс» клубының капитаны жылдың үздік мерген қорғаушысы атанды

НҰР-СҰЛТАН. ҚазАқпарат – «Барыс» клубының қорғаушысы Даррен Диц Құрлықтық хоккей лигасында (ҚХЛ) 2020 жылы үздік көрсеткішке қол жеткізді, деп хабарлайды ҚазАқпарат Sports.kz-ке сілтеме жасап.

Команда капитаны 52 матч өткізіп, 31 (19+12) ұпай жинады. Қорғаушылардың арасында Диц өткен жылы мерген атанды. Сондай-ақ жыл қорытындысы бойынша, «Барыс» капитаны өз тобында ең нәтижелі ойыншылардың бестігіне кірді.

Оның алдында Микко Лехтонен («Йокерит») — 41 (15+26) ұпай, Филип Ларсен («Салават Юлаев») — 33 (7+26) ұпай, Игорь Ожиганов (СКА) — 32 (7+25) ұпай және 32 (6+26) ұпай алған Юрки Йокипакка («Сибирь») тұр.

ҚХЛ-дың осы маусымына келетін болсақ, бұл кезеңде Даррен Диц 31 матч өткізіп, 20 (12+8) ұпай жинады.