«Барыс» хоккей клубының 2011-2012 жылдардағы ойын маусымындағы үздік хоккейшісі белгілі болды

None
None
АСТАНА. 4 мамыр. ҚазАқпарат - «Барыс» хоккей клубының 2011-2012 жылдардағы ойын маусымындағы үздік ойыншысы анықталды.

Аталған клубтың сайтында бір ай бойы аяқталған ойын маусымында үздік хоккейшіні анықтау мақсатында дайыс беру шарасы өтті. Осы уақыттың ішінде 3 748 дауыс қабылданған көрінеді.

 «2011-2012 жылдардағы ойын маусымында «Барыс» командасының үздік ойыншысы» атағын шабуылшы  Брэндон Боченски иеленді.

Естеріңізге сала кетейік, Құрлықтық хоккей лигасы тұрақты чемпионатының нәтижесі бойынша Б. Боченски лиганың үздік мергені болып танылды. Ол 49 ойында 27 шайба салған екен.

Атап айтқанда, Брэндон Боченски - 30 пайыз, Кевин Даллмэн - 22 пайыз, Талғат Жайлауов - 12 пайыз, Виталий Еремеев - 9 пайыз, Дастин Бойд - 5 пайыз, Константин Пушкарев  және  Иржи Новотны 3 пайыздан, Лукаш Кашпар мен Роман Старченко 2 пайыздан, ал  Доус, Гаврилин, Краснослободцев, Хатчинсон, Крепс, Новопашин, Гласс, Юнланд, Фадеев, Лакиза, Савченко 1 пайыздан дауыс жинады.

Соңғы жаңалықтар