Барселонада бүкіл қала бойынша тегін Wi-Fi қызметі енгізіледі
Жақын арада аталған қызмет түрі 12 000 мейрамханада, метро стансаларында, қалалық автобустарда, саябақтар, базарлар мен кемежайларда қолжетімді болады.
Қаланың мэрі Хавьер Триас Барселонаның әлемдегі ең үлкен wi-fi желісі бар қалаға айналатынын атап өтіп, аталған бастаманың мекемелердің бәсекеге қабілеттілігінің артуына септігін тигізіп, клиенттерінің көңілінен шығатынына сенімін білдірді.
Билік қазіргі уақытта wi-fi жылу немесе салқындатқыш секілді аса қажетті құралға айналған. Сондықтан қала әкімшілігі қоғамдық көліктерде, қалалық саябақтарда wi-fi қызметін орнату үшін 3,6 млн. еуро бөлуді қарастыруда.
2016 жылы 1130 автобус пен метроның 16 стансасы wi-fi қызметіне қол жеткізеді. Көп ұзамай оларға Барселона кемежайының 11 айлағы мен 21 қалалық базар қосылады.
Жалпы алғанда wi-fi-дың қазіргі қызмет етіп тұрған 664 нүктесіне тағы 1527-сі қосылады.
Қазіргі уақытта Барселонада тегін wi-fi қызметін пайдаланып отырғандардың саны айына 100 мың адамды құрайды.