+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Барлық аймақта көмір тапшылығы жоқ – Бейбіт Атамқұлов

2020 жылғы 30 қыркүйек 10:17
Бөлісіңіз:
Барлық аймақта көмір тапшылығы жоқ – Бейбіт Атамқұлов

НҰР-СҰЛТАН. ҚазАқпарат – Әкімдіктер автономды қазандықтар үшін отынды уақтылы сатып алу және әкелу жөнінде шұғыл шаралар қабылдауы қажет. Бұл туралы бүгін Үкімет отырысында ҚР Индустрия және инфрақұрылымдық даму министрі Бейбіт Атамқұлов айтты, деп хабарлайды ҚазАқпарат тілшісі.

«Алдағы жылыту маусымына отын қажеттілігі 1 237 мың тонна көмір мен 214 мың тонна мазутты құрайды.Бүгінгі күні 1 139 мың тонна көмір және 144 мың тонна мазут дайындалды. Қазандықтар үшін мазутты сатып алудың қарқыны Ақмола, Жамбыл облыстарында төмен екені байқалады. Әкімдіктер автономды қазандықтар үшін отынды уақтылы сатып алу және әкелу жөнінде шұғыл шаралар қабылдауы қажет», - деді Бейбіт Атамқұлов.

Оның айтуынша, көмір өндіруші компаниялар 2020 жылдың 8 айында 69 млн тонна көмір өндірді, бұл өткен жылдың тиісті кезеңіне сәйкес келеді. Көмірді экспорттау 18,5 млн тоннаны құрады.

«2020-2021 жылдардағы кезеңде коммуналдық-тұрмыстық мұқтаждықтар мен халыққа арналған көмір тұтыну көлемі шамамен 10 млн тоннаны құрады, оның ішінде коммуналдық-тұрмыстық секторға 2,8 млн тонна, тұрғындар – 7,2 млн тонна болады. 2020 жылғы 28 қыркүйектегі жағдай бойынша жалпы жоспарға сәйкес көмір қорымен коммуналдық-тұрмыстық сектор 76, тұрғындар 65 пайыз қамтамасыз етілді. Барлық аймақтарда көмір қоры дайындалған және тапшылық жоқ. Өңірлер көмірді кестеге сәйкес жеткізіп жатыр», - деді министр.

Бейбіт Атамқұловтың айтуынша, жылу беру маусымына дайындық басталғаннан бастап осы жылдың 1 мамырынан осы күнге дейін теміржол көлігімен 22,1 млн тонна көмір тасымалданды.

«Бұл 2019 жылдың тиісті кезеңіндегі көрсеткіштен 0,4 пайызға артық. Темір жол көлігінің паркі қажеттілікті толық қамтамасыз етеді», - деді ол.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT