+7 (701) 759 90 19 Лента
USD 385.96 EUR 423.78
RUB 6.03 CNY 54.16
Jańalyqtar

Барлық ауылға мемлекеттің қаражаты жетпейді – Ұлттық экономика вице-министрі

2019 жылғы 7 тамыз 18:02
Бөлісіңіз:
Барлық ауылға мемлекеттің қаражаты жетпейді – Ұлттық экономика вице-министрі

НҰР-СҰЛТАН. ҚазАқпарат – Ұлттық экономика вице-министрі Ермек Алпысов алдағы уақытта Қазақстандағы 6,5 мың ауылды елді мекеннің іргелі деген 3,5 мыңына маңыз берілетінін мәлім етті, деп хабарлайды ҚазАқпарат тілшісі.

Ұқсас жаңалықтар
Жамбылда «Ауыл–ел бесігі» жобасымен 104 нысан жөнделіп, 4 нысан бой көтеруде ШҚО тұрғындарының 95% 2025 жылға дейін таза ауыз сумен қамтылады Ауылдың әлеуетін анықтаудың жаңа әдістері әзірленді – Жеңіс Қасымбек

«Жалпы, Ауылдарды дамыту бағдарламасы бұрын Ауыл шаруашылығы министрлігінің құзырындағы арнайы комитет арқылы жүзеге асырылатын. Мен енді ол кездегі бағыт дұрыс немесе бұрыс болды деп айта алмаймын. Қазіргі кезде негізгі әкімші – Ұлттық экономика министрлігі. Елбасының тапсырмасымен «Ауыл – ел бесігі» жобасын қолға алып, ауылды елді мекендерді жаңартамыз деп жоспарлап жатырмыз. Бұрын республикалық бюджеттен қаражат ауылдардағы тек негізгі проблемаларды – ауыз су немесе электр желілері мәселелерін шешу үшін көзделген. Бірақ, барлық жерге әлбетте, мемлекеттің қаражаты жетпейді. Мен атап өткендей Қазақстанда қазіргі таңда 6,5 мыңға жуық ауылды елдімекен бар», - деді Ермек Алпысов Үкіметтің баспасөз орталығында.

Вице-министрдің айтуына қарағанда, жағдайы төмен, әлеуеті төмен ауылға – бірнеше жүз миллион теңгенің су құбырлары жүргізілген жағдайлар да болған.

«Бұл ретте бюджеттің қаражаты дұрыс пайдаланылмаған шығар. Сондай жағдай болмау үшін біз 6,5 мыңға жуық елдімекеннен 3,5 мыңға жуығын іріктедік. Даму әлеуеті бар ауылдарды өркендетуіміз керек. Жұмыс ең алдымен сол ауылдардағы халық қалаға көшіп кетпеу үшін жасалып жатыр. Жолдарын, мектептерін, басқа инфрақұрылымын жөндеп беріп, бағдарламалар арқылы шаруа қожалықтарға қолдау білдірген абзал. Есептеп отырсақ, іріктелген 3,5 мың елді мекенде ауыл халқының 85 пайызы тұрады екен. Халықтың 15 пайызы ғана қалған ұсақ елдімекендерге қаражат бөлінбейді деп айта алмаймын. Қаражат бөлінеді. Бірақ, ағымды жұмыстарға беріледі. Ондай ауылдарда мектеп салудың қажеті жоқ», - деді ол.

Еске сала кетсек, Ермек Алпысов бұған дейін «Дипломмен ауылға» бағдарламасы бойынша 5 172 маманға бір реттік көтерме жәрдемақы берілгенін хабарлаған болатын.



Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT