+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Барлығымызды болашаққа деген жауапкершілік пен ортақ мүдделеріміз біріктіреді - Қазақстан халқы Ассамблеясы

2020 жылғы 1 мамыр 07:57
Бөлісіңіз:
Барлығымызды болашаққа деген жауапкершілік пен ортақ мүдделеріміз біріктіреді - Қазақстан халқы Ассамблеясы

НҰР-СҰЛТАН. ҚазАқпарат - Қазақстан халқы Ассамблеясы қазақстандықтарды 1 мамыр - Қазақстан халқының бірлігі мерекесімен құттықтады, деп хабарлайды ҚазАқпарат.

«1 мамыр – еліміздегі барлық мәдениеттердің көптүрлілігі мен рухани құндылықтарды паш ететін жарқын мереке.

Барлығымызды этностық тегіміз бен діни сенімімізге, саяси ұстанымымыз бен түрлі көзқарасымызға қарамастан, туған елімізге деген махаббат, өзара түсіністік пен құрмет, болашаққа деген жауапкершілік пен ортақ мүдделеріміз біріктіреді», делінген құттықтауда .

Қазақстан халқы Ассамблеясы қазақстандықтарға бірлік – біздің ерекше сақтап, қорғайтын басты байлығымыз бен жетістігіміз екенін жеткізді.

«Ғасырлар бойы қалыптасқан халықтар достығының арқасында мемлекеттің дамуы тарихындағы қиын кезеңдерді бірге өткердік.

25 жыл бұрын Елбасы құрған Қазақстан халқы Ассамблеясы жалпыхалықтық келісімді сақтап және нығайтуда үлкен жұмыстар атқарып келеді. «Бірлік көптүрлілікте» моделі мемлекет саясатының басты бағдарының бірі және солай болып қала береді.

Бүгінде барлығымыз бірлесіп коронавирус пандемиясымен жаппай күресудеміз. Қазақстан халқы төтенше қиындықтар мен сынақты жұмылып жеңіп шығарына күмәніміз жоқ.

Шуақты мерекеде Сіздерге зор денсаулық, отбасылық береке, болашаққа деген сенім тілейміз. Ынтымақ-бірлігіміз ажырамасын!
Туған еліміз көркейіп, татулығымыз арта берсін деген ізгі тілегімізді қабыл алыңыздар!», делінген ҚХА құттықтауында.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT