+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Бәрін бақылау мүмкін болмай жатады – ҚАЖК бастығы түрмедегі азаптау жайлы

2019 жылғы 6 тамыз 13:06
Бөлісіңіз:
Бәрін бақылау мүмкін болмай жатады – ҚАЖК бастығы түрмедегі азаптау жайлы

НҰР-СҰЛТАН. ҚазАқпарат – ҚР ІІМ Қылмыстық-атқару жүйесі комитетінің төрағасы, әділет полковнигі Дархан Қанатбеков Алматы облысындағы ЛА-155/8 мекемесінде сотталғандарды азаптау жағдайына қатысты пікір білдірді, деп хабарлайды ҚазАқпарат тілшісі.

Ұқсас жаңалықтар
Қазақстандағы түрмелерде соңғы үш жылда 53 азаптау фактісі тіркелген ҚАЖК: Азаптаудың алдын алу үшін Қазақстандағы түрмелер кенеттен тексеріліп жатыр

«Шынында да, жеке кемшіліктер баршылық. Алайда бүгінгі таңда Қазақстанда түрмедегі адамдардың саны 100 мыңнан 29 мыңға азайғанын атап өткім келеді. Яғни, бас бостандығынан айыру орындарында тек қылмысы ауыр адамдар ғана қалды. Көптеген азаматтар сот үкімімен келіспеуі мүмкін. Сол үшін аштық жариялап та жатады. Мұндай оқиғалардың әрбірі бойынша тексеру жұмыстарын жүргіземіз. Кінәлілердің бәрі жазасын алып жатыр. Бізде 82 мекеме (бас бостандығынан айыру орындары) бар. Бәрін бақылау кейде мүмкін болмай жатады», - деді Дархан Қанатбеков Ішкі істер министрлігінде өткен баспасөз мәслихатында.

Әділет полковнигінің айтуына қарағанда, жыл басынан бері бас бостандығынан айыру орындарында әртүрлі бұзушылықтары үшін 1 500 қызметкер жазаға тартылған. Атап айтқанда, түрме қызметкерлеріне сөгіс, қатаң ескерту жарияланып, жауапты қызметіне толыққанды сай емес қатардағылар да жазасыз қалмаған.

«Аталмыш факт бойынша (Алматы облысындағы колониядағы азаптау жағдайы) 7 адам қызметінен кетті. Үкіметтік емес ұйымдардың, қоғамдық бақылау комиссиялары өкілдері түрмелерді аралап келгеннен кейін де бізге шағымдар келіп түсіп жатыр. Барлық ұсыныстар мен ескертулер бойынша қатаң шара қабылдап келеміз», - деді ол.

Еске сала кетсек, бұған дейін әлеуметтік желілерде формадағы адамдардың тұтқынға жәбір көрсетуі туралы видео тараған еді. Алматы облысында болған оқиғаның бейнежазбасы қоғам наразылығын тудырды.

Ақыры, Алматы облысындағы ЛА-155/8 мекемесінде сотталғандарды азаптаған қызметкерлер жауапкершілікке тартылды. Колония басшылығы жұмыстан кетті.

Біздің каналымызға жазылыңыз:

Басты сөздер: Адам құқығы, ҚР ІІМ,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT