+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

«Барахолканың» қызыл жолаққа шыққан жерлері мемлекетке қайтарылды

2014 жылғы 18 сәуір 13:36
Бөлісіңіз:
«Барахолканың» қызыл жолаққа шыққан жерлері мемлекетке қайтарылды

АЛМАТЫ. ҚазАқпарат - Алматы қалалық экономикалық соты «барахолканың» Солтүстік айналма жолындағы қызыл жолаққа шығып кеткен жерлерін мемлекетке қайтару туралы әкімдіктің арызын қанағаттандырды. Бұл туралы Алматы ауданаралық экономикалық сотының судьясы Гаухар Рахимжанова хабарлады.

Мәселе базар маңайындағы жекеменшік серіктестіктер жаулап алған территорияны мемлекет меншігіне қайтару жөнінде болып отыр. Қазір материалдар бойынша 2014 жылдың басынан бері шыққан 6 сот шешімі өзінің заңды күшіне енуде.

«Базар қызметі барысында ҚР «Өрт қауіпсіздігі туралы», «Жерді пайдалану туралы» заңдарының бірқатар нормаларын бұзу дерегі анықталды. 6 айдың ішінде мұнда 5 ірі көлемдегі өрт орын алды. Қазір қалалық ТЖД 35 базардың жұмысын тоқтату туралы мәселені талқыға салды», - Алматы ауданаралық экономикалық сотының судьясы Гаухар Рахимжанова.

Қала әкімінің орынбасары Болат Сауранбаевтың айтуынша, 1 мамырдан бастап Жетісу ауданындағы, 1 маусымнан бастап Алатау ауданындағы қызыл желіге шығып кеткен базарлар толық жойылатын болады.

Естеріңізге сала кетейік, 2013 жылдың қазанында бақылау органдары қалалық ТЖД басшысы Б.Құтпановқа «барахолкада» ҚР бірқатар заңнамасының орындалуында кемшіліктер орын алғанын айтып арызданған болатын.

Прокуратура қызметкерлері базарлардың ішінде өрт кезінде адамдарды сыртқа көшіретін жедел каналдардың жоқтығын алға тартты.

Сондай-ақ олар қоғамдық тамақтану орындарында газ баллондары қолданылып, тауарды сақтау, орналастыруда келеңсіздіктер орын алғанын әрі өрт қауіпсіздігі жүйесі дұрыс жолға қойылмағандығы анықтады.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT