«Барахолкада» тағы екі контейнер өртенді

АЛМАТЫ. ҚазАқпарат - Алматыда «Байсат» базарында халық тұтыну тауарлары сақталған екі контейнер өртеніп кетті.

Қалалық ТЖД баспасөз қызметі таратқан ақпаратқа сүйенсек, өрт туралы хабарлама таңғы 11:17-де түскен. Төтенше жағдай 11:57-де ауыздықталып, 12:25-те сөндірілді.

Қызыл жалын 40 шаршы метрді шарпыған. Өртті сөндіруге 30 арнайы техника мен 30 адам жұмылдырылды.

Жапа шеккендер мен қаза болғандар туралы ақпарат жоқ. Қазір өрттің неден шыққандығы анықталып жатыр.