+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Банктер 2,5 мыңнан астам қарыз алушының ипотекалық қарыздарын қайта қаржыландырды - Үкімет басшысы

2009 жылғы 22 маусым 13:01
Бөлісіңіз:
Банктер 2,5 мыңнан астам қарыз алушының ипотекалық қарыздарын қайта қаржыландырды - Үкімет басшысы

АСТАНА. Мамырдың 22-сі. ҚазАқпарат /Айдар Оспаналиев/ - Ипотекалық қарыздар бюджет саласы қызметкерлері үшін 9 пайыздық ставкамен қаржыландырылады. Ал халықтың әлеуметтік жағынан алғандағы әлсіз топтары үшін бұл көрсеткіш 11 пайызды құрап отыр. Осы мақсатта «Самұрық-Қазына» екінші деңгейлі банктерге 120 млрд. теңге аударды. Қазіргі уақытта банктер 10,3 млрд. теңгеге 2,5 мыңнан астам қарыз алушының ипотекалық қарыздарын қайта қаржыландырды.

Бұл мәселе жөнінде бүгін Үкіметтің дағдарысқа қарсы бағдарламасы мен Жол картасын іске асыруға арналған жиын барысында Премьер-Министр Кәрім Мәсімов айтты, деп хабарлайды ҚазАқпарат.

Оның айтуынша, «Қазақстандық ипотекалық компания» акционерлік қоғамы әріптес банктерден ипотекалық қарыздар бойынша талап ету құқықтарын сатып алуды жүзеге асыруда. Бүгінгі күні акционерлік қоғам жалпы сомасы 13 млрд. Теңгеге жуық ипотекалық қарыздар бойынша талап ету құқықтарын сатып алды.

Біздің каналымызға жазылыңыз:

Бөлісіңіз:
Пікір қалдыру
+7
Жіберу
Сондай-ақ... оқыңыз
ONLAIN QYZMETKERLER

MURAǴAT