+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Балқашта отандық және шетелдік туроператорлар бас қосты

2019 жылғы 15 маусым 06:12
Бөлісіңіз:
Балқашта отандық және шетелдік туроператорлар бас қосты

БАЛҚАШ. ҚазАқпарат - Қарағанды облысының Балқаш қаласында үлкен туристік жиын өтуде. Облыс әкімдігі мен кәсіпкерлік басқармасы ұйымдастырған форумға еліміз өңірлерінен, Ресейдің Түмен және Омбы қалаларынан, сондай-ақ Монғолиядан туроператорлар келді, деп хабарлайды ҚазАқпарат.

Аймақ әкімдігінің баспасөз қызметінен мәлім еткендей, туроператорлар Балқаш курорттық аймағындағы жағажайлық демалыс жағдайларымен танысады. 14 маусымда кәсіпкерлер ондаған демалыс аймағын аралап шықты.

«Біз ұсыныстар, баға жайлы білеміз, мұның бәрі бізде бар. Осы форумға демалыс орындарын өз көзімізбен көріп, түмендіктерге өздеріміздің шынайы сезімдерімізді, әсерлерімізді жеткізу үшін келдік. Қазақстанда және атап айтқанда, Балқаш қаласында табиғат тамаша, демалыс орындары жайлы, және де бағалары да қолжетімді. Қонақжайлылық жоғары деңгейде, адамдары жақсы», - дейді Түмен делегациясының мүшесі Татьяна Семенова.

Қазіргі таңда өзекті мәселелердің бірі көліктік қатынас болып табылады. Пойызбен жету үшін туристер ауысып отырулары тиіс болады. Ал автомобильдік саяхат көп уақытты алады. «Трансфер мәселесі шешілсе, көптеген қиындықтар жойылып, ресейлік туристер ағымы ұлғаяр еді», - дейді туроператорлар.

Моңғолиядан келген қонақтың айтуынша, оның фирмасында Алтай мен Шығыс Қазақстанға шетелдік туристерді тарту тәжірибесі бар. Енді ол Балқаш маңындағы көріністерге қызығушылық танытып отырғанын жеткізді.

Туристік форум аясында Балқаш қаласында «Денсаулыққа жол» атты жеңілатлетикалық марафон және кемелер шеруі өтті. Сенбі күні, 15 маусымда форумның пленарлық отырысы өтеді. Онда сала өкілдері отандық туризмді дамыту мәселелерін талқылайды.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT