+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Балқашта әдеби аялдамалар пайда болды

2020 жылғы 21 желтоқсан 02:00
Бөлісіңіз:
Балқашта әдеби аялдамалар пайда болды

БАЛҚАШ. ҚазАқпарат – Балқаштағы Ленин көшесінде екі әдеби аялдама пайда болды. Олар қала кәсіпкерлерінің демеушілігімен рәсімделді, деп хабарлайды ҚазАқпарат тілшісі.

Аялдамалардың бірі Абайдың 175 жылдығына арналған.

Оның ішкі жағында ұлы ақынның бейнесін көруге және оның өмір сүрген жылдары туралы мәліметтерді, сондай-ақ «Толық адам» философиялық формуласының негізгі қағидаларынан қазақ және орыс тілдеріндегі үзінділерді оқуға болады.

«Абай өз замандастарына «Ақыл, күш, жүректі тепе-теңдікте ұста - осының бәрі сені толыққанды етеді» деп үйретті. Бұл қағида бүгін де өзекті. Ақын өз өлеңінде «Адамның үш қасиеті бар: жарқын ақыл, жалынды жан және жылы жүрек», деп атап өтті Балқаш қаласы мәдениет және тілдерді дамыту бөлімінің сектор меңгерушісі Әсел Бөлекова.

Аялдаманың сыртқы жағында Балқаштың логотипі мен әнұраны тұр, оның сөзін жергілікті авторлар К. М. Саденов пен П. Е. Кушниров, ал музыкасын С. Тлеулина жазған.

Екінші павильон әл-Фарабидің құрметіне безендірілген.

Ол Абай аялдамасына қарама-қарсы орналасқан, сонымен қатар фотосуреттер, қысқаша өмірбаяны, философтың еңбектерінен, атап айтқанда «Ізгі қала тұрғындарының көзқарастары туралы трактаттан» үзінділер бар.

Әдеби аялдамаларды безендіру қала кәсіпкерлерінің демеушілігімен жалғасады. Келесі аялдамаға ағартушы, ғалым Ахмет Байтұрсыновтың шығармалары ілінеді.


Біздің каналымызға жазылыңыз:

Бөлісіңіз:

Автор:

Агата Мухамеджанова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT