+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Балқашта 2 жасар қызымен бірге жоғалып кеткен ер адам табылды

2021 жылғы 14 мамыр 18:20
Бөлісіңіз:
Балқашта 2 жасар қызымен бірге жоғалып кеткен ер адам табылды

БАЛҚАШ. ҚазАқпарат - Балқаш қаласында іздеуге жарияланған 44 жастағы ер адам мен оның 2 жасар қызы табылды, деп хабарлайды ҚазАқпарат тілшісі.

Ұқсас жаңалықтар
Атырауда жоғалған балалар табылды

14 мамыр күні сағат 00.20-да Балқаш қаласының полиция бөліміне 37 жастағы әйел жүгінген. Ол 44 жастағы күйеуі екі жасар қызымен бірге 13 мамырда түстен кейін үйден шығып, қайтып оралмағанын айтқан. Сондай-ақ, жолдасының ұялы телефоны өшірулі тұрғанын жеткізген.

Полиция қызметкерлері анықтағандай, ер адам отбасымен соңғы рет 13 мамыр күні сағат 17.00 шамасында байланысып, қызымен бірге үйіне қайтып келе жатқанын хабарлаған. Осыдан кейін ол кенет жоғалып кеткен. Кешке дейін күйеуі мен қызын күткен әйел, түн ортасында полицияға жүгінген.

«Хабар-ошарсыз кеткен ер адам мен баланың орналасқан жерін анықтау мақсатында полиция бөлімінің жеке құрамы және оған қарасты барлық қызметтер бағдарланды. Бес іздеу тобы құрылды, олар дереу қаланың барлық аудандарында іздеу жұмыстарын жүргізе бастады. Сондай-ақ, еріктілер мен басқа да жанашыр азаматтар құқық қорғау органдарына көмек көрсетті», - дейді Қарағанды облысы Полиция департаменті бастығының орынбасары Әбіл Әбілдин.

Іздестіру іс-шаралары барысында жоғалған ер адамның байланыстары пысықталды, саяжай және гараж массивтері тексерілді. Сонымен қатар, қаладағы барлық уақытша қабылдау мекемелері тексерілді.

«Бірнеше сағаттан кейін өтініш берушінің күйеуі мен қызы өздері қайтып келген. Белгілі болғандай, ер адам танысын кездестіріп, соның үйінде түнеп қалған. Осылайша, ол екі жасар қызымен кенеттен жоғалып кетуінің салдары туралы ойламай, жауапсыздық танытқан», - деді полициядан. .


Біздің каналымызға жазылыңыз:

Бөлісіңіз:

Автор:

Агата Мухамеджанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT