+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Балқаш қаласының әкімдігі Ауған соғысы ардагеріне үш бөлмелі пәтердің кілтін табыс етті

2020 жылғы 6 тамыз 13:25
Бөлісіңіз:
Балқаш қаласының әкімдігі Ауған соғысы ардагеріне үш бөлмелі пәтердің кілтін табыс етті

БАЛҚАШ. ҚазАқпарат - Апатты жағдайдағы үйде тұратын, Ауған соғысының ардагері Болатбек Қалибеков 5 тамызда Балқашта үш бөлмелі пәтердің кілтін алды. Тұрғын үйді алуға «Тастемір» ЖШС жәрдемін берді, деп хабарлайды ҚазАқпарат Қарағанды облысы әкімдігінің ресми сайтына сілтеме жасап.

2020 жылдың қаңтарында Балхаш қаласының әкімі Ораз Тәуірбековке Ауған соғысының мүгедектері мен ардагерлерінің жауынгерлік бауырластығының өкілдері келді. Олар Ауған соғысының ардагері Болатбек Қалибеков туралы, оның өмірлік жары, ұлы мен мүгедек анасынан құралған отбасы жайында, олардың орталық су құбыры бармайтын апатты үйде тұратындығы жайлы айтып берді.

Болатбек Қалибеков Ауғаныстандағы интернационалдық парызын орындау барысында жараланған болатын. Уақыт өте келе оның денсаулығы сыр бере бастады. Оған тұрақты түрде емделу қажет.

Осыған қарамастан, Болатбек «Қазақмыс» корпорациясында 25 жыл бойы автотиеуші болып жұмыс істейді.

Ораз Таурбеков Қалибековтар отбасының мәселесіне бейжай қарай алмай, тұрғын үйдің мәселесін шешіп беруді уәде етті. Сол сөзін жерге тастамай 5 тамызда қала басшысы Болатбек Қалибековқа үш бөлмелі пәтердің кілтін табыс етті.

Ауған соғысының ардагеріне жайлы жабдықталған пәтерді «Тастемір» ЖШС демеушілік көмегінің арқасында сатып алуға ыңғайы туды.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT