Баласының тәртібін қолға алмай отырған 33 ата-анаға қатысты әкімшілік іс қозғалды - Алматы
«Осы уақыт аралығында түрлі құқықбұзушылық жасағаны үшін 266 жасөспірім ішкі органдарға жеткізілді. Олардың ішінде 36 бала ешкімі жоқ болған соң көше кезіп жүрген. 23 жасөспірім әрі қарай ата-анасының кім екендігін анықтау үшін Кәмелеттік жасқа толмағандарды бейімдеу орталығына жеткізілді. Сонымен қатар, тәртіп бұзушы 37 бала мен өз баласын тәрбиелеуден қашып отырған 45 ата-ана есепке алынды. Олардың ішінде баласын түнгі уақытта қадағаламай еркіне жібере салған 33 ата-анаға қатысты әкімшілік іс қозғалып, мамандандырылған ауданаралық сотқа жіберілді», - деді ІІД әкімшілік полиция басқармасының ювенальды полиция бөлімінің басшысы Ләйла Әліпбаева.
Қалалық ІІД баспасөз қызметінің хабарлауынша, Алматыдағы 7 компьютер клубының басшылығы кәмелеттік жасқа толмаған балаларды түнгі уақытта кіргізгені үшін әкімшілік жауапкершілікке тартылды.