+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Баласының  құқығын бұзған 500 ата-ана жауапкершілікке тартылды

2021 жылғы 20 қыркүйек 12:10
Бөлісіңіз:
Баласының  құқығын бұзған 500 ата-ана жауапкершілікке тартылды

НҰР-СҰЛТАН. ҚазАқпарат – Баласының құқығын бұзған 500 ата-ана жауапкершілікке тартылды. Бұл туралы ҚР Ішкі істер министрінің ресми өкілі Нұрділдә Ораз айтты, деп хабарлайды ҚазАқпарат тілшісі.

«Қолайсыз отбасыдан шыққан балаларды тәрбиелеуде міндеттерін орындамаған 600-ден астам ата-ана анықталып, есепке алынды. Олардың ішінде 500-ден астамы балаларының құқықтарын бұзғаны үшін әкімшілік жауапкершілікке тартылды», - деді ресми өкіл ІІМ баспасөз қызметі алаңында өткен брифингте.

Сонымен қатар ол 17-19 қыркүйек аралығында өткізілген «Жасөспірім» жедел алдын алу іс-шарасы барысында оқу орындарындағы құқық бұзушылықтардың алдын алу жұмыстарына ерекше назар аударылғанын айтты. Іс-шара барысында 5 мыңнан астам мектеп пен 600 колледж қамтылды. Оқушылармен құқық бұзушылықтың алдын алу жөніндегі әңгімелесу жүргізілді. Балаларға қоғамдық орында жүріп-тұру ережесі, бейтаныс адамдармен сөйлесу, сонымен қатар жанжал туындаған жағдайда әрекет ету барысы түсіндірілді.

«Мұнан бөлек, полиция органдарында есепте тұрған жасөспірімдер мен қолайсыз отбасылардың тұрғылықты жерлерін тексеру бойынша рейдтер ұйымдастырылып, тұрмыстары зерделенді, ата-аналармен әңгімелесу жүргізілді», - деді Нұрділдә Ораз.


Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT