+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Баланы жұлқылаған тәрбиеші өз еркімен жұмыстан кетті

2019 жылғы 11 қыркүйек 13:52
Бөлісіңіз:
Баланы жұлқылаған тәрбиеші өз еркімен жұмыстан кетті

АЛМАТЫ. ҚазАқпарат - Алматыда баланы жұлқылап жатқаны видеоға түсіп қалған тәрбиеші өз еркімен жұмыстан кетті, деп хабарлайды ҚазАқпарат тілшісі.

Ұқсас жаңалықтар
Семейде 1100 орындық төрт балабақша салынады Тәуелсіздіктің 30 жылы: Қарағандыда балабақшалардың құлдырау және қайта өркендеу тарихы
Бұл видео әлеуметтік желіде таралып кеткен болатын. Оқиға Әуезов ауданындағы №58-балабақшада болған.

Қалалық білім басқармасы бұл оқиғадан соң балабақша меңгерушісіне қатаң сөгіс жарияланғанын хабарлады.

«Кеше бұл жайт бойынша ата-ана хабарласты. Қалалық білім басқармасы бірден комиссия құрып, білім беру орнына жіберді. Видеокамерадағы барлық дерек тексерілді. Белгілі болғандай, тәрбиеші баланы басынан ұрмаған. Қарама-қарсы отырған балалар тамақты бір біріне лақтырған. Тәрбиеші бір баланың маңдайындағы ботқаны алған кезде ұрған сияқты көрінген. Екінші баланы жуынатын бөлмеге сүйрелегенде ол бармаймын деген. Жұлқылағаны анық. Оны еш жоққа шығара алмаймыз», - деді қалалық білім басқармасының мектепке дейінгі білім беру бөлімінің басшысы Әлия Сағиева.

Оның айтуынша, балабақша меңгерушісі тәрбиешіге сөгіс жариялады. Тәрбиеші болған оқиғадан соң өз еркімен арыз жазып, жұмысынан кетті.
«Меңгерушіге де бақылауда осалдық танытқаны үшін басқарма тарапынан ескерту беріледі», - деді Ә. Сағиева.

Бұл оқиға туралы бүгін таңертең жазған болатынбыз. Әлеуметтік желіде Әуезов ауданындағы №58 балабақша тәрбиешісінің балаларға зекіп, жұлқып жатқаны түсіп қалған видео тараған еді.




Біздің каналымызға жазылыңыз:

Бөлісіңіз:

Автор:

Гүлмира Ғосманәли

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT