+7 (701) 759 90 19
USD 376.72 EUR 408.67
RUB 5.76 CNY 53.68
Jańalyqtar

Баландин Бейжіңдегі Champions Swim Series жарысының екінші кезеңіне қатысады

2020 жылғы 17 қаңтар 00:41
Бөлісіңіз:
Баландин Бейжіңдегі Champions Swim Series жарысының екінші кезеңіне қатысады

БЕЙЖІҢ. ҚазАқпарат – Дмитрий Баландин Қытай астанасында өтетін Халықаралық жүзу федерациясының (FINA) Champions Swim Series турнирінің екінші кезеңіне қатысады, деп хабарлайды «ҚазАқпарат» ХАА тілшісі.

Ұқсас жаңалықтар
Коронавирус: Футболдан Еуропа чемпионатының финалдық кезеңі кейінге қалдырыла ма 4 дүркін Олимпиада чемпионы допинг ережесін бұзғанын мойындады Еркін күрестен бас жаттықтырушы Әсет Серікбаев: Бапкердің арманы - Олимпиадаға толық құраммен бару

Аталмыш шара қаңтардың 18-19 аралығында өтеді. Онда әлемнің 25 елінен келген 60 жүзгіш Champions Swim Series турнирінің 28 жеке және 2 командалық бәсекелерінде бақ сынайды.

Қазақстандық спортшы брасс әдісімен 100 және 200 метр ара қашықтыққа арналған жарыста өнер көрсетеді. Бейжіңнің Champions Swim Series кезеңінің жалпы сыйлық қоры 900 мың долларды құрайды. Бірінші орын алған адам 10 мың доллар, екінші орын 8 мың доллар, үшінші орын алған адам 6 мың доллар алады.

Осыған дейін Д.Баландин Шэньчжэньде (Оңтүстік Қытай) жүзуден өткен халықаралық жарыс сериясының бірінші кезеңінде екі «қола» жеңіп алған.

Рио-2016 Олимпиадасының чемпионы Дмитрий Баландин ҚазАқпарат тілшісіне берген сұхбатында Шэньчжэньдегі жарыстан алған әсерлерімен бөліскен еді. Ол өзінің тап осы кездегі дене дайындығына сай жақсы жүзгенін айтты.

Дмитрий Қытайға келердің алдында 5 күн бұрын суық тигізіп алып, дене қызуы көтеріліп, дайындықты тек жарысқа қатысардың алдында ғана жасай алған.

«Енді жылдамдықты арттыруға тырысам, Шэньчжэньде біраз қалпыма келдім ғой, енді көреміз не болатынын»,-деп қосты ол.

«Champions Swim Series жарысы әлемнің мықты деген жүзгіштерімен бақ сынасып, жақсы тәжірибе жинау үшін керемет мүмкіндік. Бұл жарыстар бір жағынан маңызды, өйткені ол жүзу спортын айтарлықтай насихаттайды. Бұл осындай шоу. Екінші жағынан спортшылар мұнда материалдық жағдай үшін де қатысуға ұмтылып жатыр. Жалпы алғанда соңғы уақытта жүзуден коммерциялық жарыстардың көптеп ұйымдастырыла бастағаны қуантады», деді Д.Баландин.

Халықаралық жүзу федерациясы Champions Swim Series жарысын 2019 жылы бекітті. Бұл жарысқа Олимпиада ойындары мен әлем чемпионаттарының жеңімпаздары және рекордшылар сияқты ең үздік деген спортшылар өнер көрсетеді. FINA-ның қолдауымен жыл сайын осындай 2-3 жарыс өтеді. Өткен жылы жарыстар Гуанчжоу, Будапешт пен Индианаполисте өтті. Бұл жарыстардың финалистері мен қатысушыларына әлемдік рейтингте ұпай қосылады.


Руслан Сүлейменов


Біздің каналымызға жазылыңыз:

Басты сөздер: Спорт, Қоғам,
Бөлісіңіз:

Автор:

Айдар Оспаналиев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT