Қолданушы баптаулары
Қолданушы баптаулары
+7 (701) 759 90 19 Лента
USD 378.90 EUR 422.74
RUB 5.87 CNY 54.80
Jańalyqtar

Балаларға арналған «Тәтті алма» әдеби жинағы жарық көрді

2019 жылғы 17 сәуір 23:26 1051
Бөлісіңіз:
Балаларға арналған «Тәтті алма» әдеби жинағы жарық көрді

НҰР-СҰЛТАН. ҚазАқпарат - Бүгін елордадағы Назарбаев орталығында «Тәтті алма» балалар әдебиеті жинағы мен веб-графикалық романдардан тұратын «Ұлы дала аңыздары» атты онлайн-жобаның тұсауы кесілді, деп хабарлайды ҚазАқпарат.

Ұқсас жаңалықтар
Қызылорда облысында қобызшылар ансамблі құрылады Талдықорғанда Елбасының бағдарламалық мақаласы аясында халықаралық конференция басталды

«Тәтті алма» жинағының 1-2 томы ҚР Тұңғыш Президенті-Елбасы Н.Назарбаевтың Мемлекеттік тілді дамыту қорына ана тілімізді дамыту бағытындағы жобаларға бөлген қаржысына 2015 жылы жарық көрген еді. Аталған жинақтың  3-4 томдарын шығаруға ҚР Тұңғыш Президенті-Елбасы қоры қолдау көрсетті.

Тұңғыш Президент қорынан мәлім еткендей, соңғы жинақтарға жақсылық пен әсемдік, табиғатқа деген қамқоршылық туралы ертегілер мен театрлық қойылымдар енген. Жинаққа енген барлық шығармаларды «Tattialma.kz» сайтынан және «Tattialma» мобильдік қосымшасынан оқуға болады.

«Рухани жаңғыру» бағдарламасы мен Елбасының «Ұлы даланың жеті қыры» мақаласында айтылған игі мақсаттарды жүзеге асыру аясында, қор қазақ халқының мәдени, әдеби және рухани жетістіктерін дамытуға бағытталған жұмыстарын жалғастырып келеді.

Осыған орай, «Ұлы дала аңыздары» (Легенды великой степи) онлайн жобасы аясында веб-графикалық романдар сериясын әзірлеуді қолға алып, қазақ, орыс және ағылшын тілдеріндегі «Qazcomics.kz» веб-сайты мен мобильдік қосымшасы әзірленді.

«Ұлы дала аңыздары» жобасы ғасырдан-ғасырға, ұрпақтан-ұрпаққа жеткен  қазақ халқының тарихы мен аңыздары туралы сыр шертетін «Ұлы махаббат туралы жеті хикая» және «Қазақ жерінің ұлы батырлары» деп аталатын екі бөлімнен тұрады. Аңыздар мазмұны Қазақстанның киелі орындарының тарихымен астасып жатыр. Әңгімелер арқауы көпшілікке киелі жерлер туралы толығырақ мәлімет алуға мүмкіндік береді.

Қазіргі таңда осы сериядан «Қозы-Көрпеш - Баян сұлу» және «Жұмбақтас» туындылары жарық көрді.

Шараға ҚР Тұңғыш Президенті-Елбасы қоры атқарушы директорының орынбасары - Сұлтан Айтжанов, Мемлекеттік тілді дамыту қорының директоры Азат Шәуеев, белгілі қоғам қайраткерлері мен оқушылар қатысты.

 

 

 

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT