+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

Балалардың тамақтан улануы: Балабақша талаптарға сай жұмыс жүргізбеген

2019 жылғы 19 қыркүйек 14:11
Бөлісіңіз:
Балалардың тамақтан улануы: Балабақша талаптарға сай жұмыс жүргізбеген

НҰР-СҰЛТАН. ҚазАқпарат –Қалалық қоғамдық денсаулық сақтау департаментінің басшысы Сәдуақас Байғабылов балабақша балаларының улану жағдайына қатысты толық ақпаратты ҚазАқпарат тілшісіне айтып берді.

Ұқсас жаңалықтар
Қарағандыда үш бала газдан уланды Қостанай облысында уланған әйелді көршілері құтқарып қалды Нұр-Сұлтандағы дамыту орталығында 10 бала уланып қалды

«Happy minds» жекеменшік балабақшасында толығымен тексеру жұмыстары 20 қыркүйекте аяқталып, нақты тексеру нәтижелері айтылады. Қысқаша айтқанда, осы жылдың 9-10 қыркүйегі аралығында балалар арасында ішек инфекциясымен уланудың бірнеше жағдайы тіркелді. 7-8 қыркүйек аралығында Балалар инфекциялық ауруханасына 8 бала келіп түскен. Олардың қызуы көтеріліп, құсып, тәулігіне 3-5 мәрте іші өтіп ауырған», - деді Сәдуақас Байғабылов.

Оның айтуынша, ауруханаға түскен балалар аталған балабақшаның әртүрлі тобындағы 3-5 жас аралығындағы 8 бала.

«Тексере келе балаларға Shigella sonnei-ден келген дизентерия диагнозы қойылды. Қазіргі уақытта эпидемиологиялық тергеу амалдары жүргізілуде. 20 қыркүйекте жекеменшік балабақшада нақты тамақтан улану жағдайына не себеп болғаны анықталады. Материалдардың бәрі сотқа жолданып, тиісті шешім қабылданады. Балабақша жұмысын жалғастыра ма, жоқ па – сонда белгілі болады», - деді ол.

Сәдуақас Байғабыловтың айтуынша, өз бастамалары бойынша балабақша жұмысын 9 қыркүйектен бастап тоқтатқан.

«Олар (балабақша әкімшілігі-авт) бұрын бізге рұқсат беру құжатын алу туралы өтініш білдіріп келген болатын. Алайда жалпы тиісті талаптарға сай болмағандықтан, оларға рұқсат берілмеген. Шағын және орта бизнес нысанын тексеруге шектеу қойылғандықтан, біз оны тексере алмаймыз. Тексеру үшін шағым түсу керек. Санаулы күндерден кейін нақты тексеру нәтижесін жариялаймыз», - деді департамент басшысы.

Еске салсақ, кеше елордалық дамыту орталығында бірнеше баланың тамақтан уланып қалғанын хабарланған болатынбыз.

«Балалардың улануы бойынша айта кетейін. Біз бұйрық шығардық, тиісті комиссия құрылды. Тексеру жүргізіп жатырмыз. Жұмысқа қоғамдық денсаулық сақтау департаментінің де өкілдерін тарттық. Қорытынды бойынша тиісті шаралар қабылданады. Жекеменшік мектепке дейінгі ұйымдар жеке кәсіпкерлік кодексі бойынша жұмыс жүргізеді», - деді Нұр-Сұлтан қалалық білім басқармасының басшысы Әнуар Жанғозин.


Біздің каналымызға жазылыңыз:

Басты сөздер: Нұр-Сұлтан, Оқиға, Қоғам,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT