Валюта бағамдары:
    usd/kzt 478.01 eur/kzt 488.81

    rub/kzt 7.91 cny/kzt 70.76
Ауа райы:
Нұр-Сұлтан: 1 °С
Алматы: 15 °С

Балалардың оқу үлгерімін талқыға салудың керегі жоқ - министр ата-аналар жиналысы туралы

2022 жылғы 7 маусым 13:50

НҰР-СҰЛТАН. ҚазАқпарат – ҚР Білім және ғылым министрі Асхат Аймағамбетов мектептегі ата-аналар жиналысын өткізу форматын өзгерту керектігін айтты, деп хабарлайды ҚазАқпарат тілшісі.

«Мектепте ата-аналар жиналысын өткізу мәселесі бұған дейін де бірнеше рет көтерілді. Алдыңғы жылы ата-аналар жиналысын өткізудің жаңа формасына көшу керек деген тапсырма берілді. Баяғыдағыдай ата-аналарды жинап алып, балаларының оқу үлгерімі, қылықтарын талқыға салудың керегі жоқ. Басқа ата-ананың көзінше біреудің баласын талқыға салмаңыздар», - деді Асхат Аймағамбетов аталған ведомствода өткен аппараттық жиналыста.

Министрдің айтуынша, педагог әр ата-анаға баласының тәрбиесі мен біліміне қатысты толық ақпаратты беруі тиіс.

«Әрине, біреулердің көзінше баласын талқылағаннан кейін ата-аналар мектеп жиналысына келгісі келмейді. Сондықтан жиналыс өткізудің жаңа форматына көшу керек. Мұғалім ата-анаға баласының қандай пәндерді ұнататынын немесе қандай пәндерден қосымша сабақ керектігін айтып жеткізу керек. Жалпы ата-анамен жұмыс істеу маңызды жайт, сондықтан ерекше мән беру керектігін тағы еске саламын», - дейді ол.


Автор:

Дәулет Ізтілеу

Новости по теме
Ұқсас жаңалықтар
Серіктестер жаңалықтары