+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Бала мен ата-ананы қашықтан оқытуға қалай бейімдеуге болады – психолог кеңесі

2020 жылғы 16 қыркүйек 13:35
Бөлісіңіз:
Бала мен ата-ананы қашықтан оқытуға қалай бейімдеуге болады – психолог кеңесі

АЛМАТЫ. ҚазАқпарат – Педагог-психолог, ЮНИСЕФ және ҚР ДМ Республикалық психикалық денсаулық ғылыми-практикалық орталығының жаттықтырушысы Жұлдыз Махатаева қашықтан оқытуға балалар мен ата-аналарды психологиялық бейімдеу туралы айтты, деп хабарлайды ҚазАқпарат тілшісі.

Ұқсас жаңалықтар
Эразмус+ және Темпус жобалары біздің білім беру жүйемізді өзгертті – Шайзада Тасболатова Өзбекстанда үш жылда 48 жаңа университет ашылды Еліміздегі білім сапасы еуропалық стандарттармен сәйкес келеді – ҚР БҒМ

Оның айтуынша, карантин біздің өмірімізді түбегейлі өзгертті. Мектептерде қашықтан оқыту форматы енгізілді. Балалар ұзақ уақыт үйде карантинде болды. Осының бәрі адамның психолгиясына әсер етті.

«Қазір адамдар үйден жұмыс істеп жатыр. Жалпы бәріне оңай емес. Мұндай кезде сізде пайда болған мүмкіндіктерге назар аударып, үрейге берілмеу маңызды. Ең бастысы, байбалам салмау керек. Өйткені қазір барлығымызда үрей бар, ол кез келген нәрсеге байланысты болып жатыр. Оның ішінде жақындарыңызды инфекциядан қалай құтқаруға болады, үйден шықпай-ақ бір ай немесе белгісіз мерзімге қалай өмір сүруге болады, мектеп бағдарламасын қалай игеруге, емтихандарды қалай тапсырамын деген сияқты мазасыздық көп. Мұндай жағдай бұрын болмағандықтан не істеу керектігін жақсы түсінбейміз. Оның барлығы бұл жағдайға бейімделмеуден болып отыр», - дейді психолог.

Психолог ата-аналарға баласын мектепке бейімдеуге көмектесетін бірнеше маңызды ұсыныстар берді.

«Қашықтан оқыту - бұл ең алдымен жаттығу, бос әурешілік пен зерігуден құтылудың құралы емес екендігін түсіну керек. Тиісінше, күндізгі режимде оқу үшін арнайы уақыт бөлу қажет. Бұл әдеттегі мектеп уақыты болса жақсы, яғни күннің бірінші жартысы болғаны шарт. Бұл жағдайда визуализация техникасын қолданып көруді ұсынамын. Оны кез келген қарапайым адам қолдана алады. Өзіңді мектепке барып білім алып жатырмын деп елестетіңіз. Сіз мектепке бардыңыз, тек бұл жағдайда мектеп үйіңізде, бөлмеңізде, жұмыс үстеліңізде болады. Яғни елестутеу арқылы мектептегі атмосфераны қалыптастыру» - дейді ол.

Сонымен қатар, ол балалардың физикалық белсенділігін ынталандыру маңызды екенін айтты.

«Стресс - ең алдымен, дененің физикалық реакциясы, сондықтан физикалық күш-жігерді қажет ететін кез келген әрекет балаға онымен тиімді күресуге әсер етеді. Мәселен, үйді тазалау, жаттығу, ән айту, би билеу. Дегенмен баланы өзіне қызықты емес нәрсеге жұмсамауға тырысыңыз. Ол немен айналысқысы келетінін анықтаңыз, сөйлесіңіз. Оған қоса баланың шығармашылық қол еңбегін қолдау керек және әрдайым ынталандырып отыру қажет. Бала сурет салып, қандайда бір қолөнер бұйымдарын жасаса, одан бала ләззат алуы мүмкін немесе оны стресстен тыныштандырудың жолы. Сондықтан баланың айналысып жатқан ісіне құрметпен қараңыз», - дейді психолог.

Спикер, сөз соңында ата-аналардың психологиялық көмекке ғаламтор арқылы да жүгіне алатынын жеткізді.

«Бізде covid-19.mentalcenter.kz/ru сайты бар, онда мамандар қажетті көмек көрсетеді», - деді спикер.


Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT